Астанкі шасці савецкіх байцоў паднятыя пошукавікамі ў Чавускім раёне

Астанкі 6 савецкіх байцоў паднятыя ў Чавускім раёне. Пошукавая аперацыя вядзецца паблізу ракі Проня на месцы лютых баёў. Разам з пошукавікамі клуба «ВІККРУ» у раскопках удзельнічаюць іх расійскія калегі, а таксама байцы 52-га асобнага спецыялізаванага пошукавага батальёна Міністэрства абароны.

З шасці паднятых астанкаў байцоў у двух былі знойдзены імянныя медалі – «За адвагу!» і «За баявыя заслугі». Імя аднаго з байцоў удалося ўстанавіць на месцы дзякуючы захаванаму паведамленню аб грашовым пераводзе сям’і. Гэта ўраджэнец Башкірыі Сцяпан Тапычканаў 1909 года нараджэння, лейтэнант, камандзір роты. Астанкі воінаў будуць з ўшанаваннямі перапахаваны ў брацкай магіле.

Магілёўскія пошукавікі выступаюць за тое, каб у гэтых месцах кровапралітных баёў ля ракі Проня быў устаноўлены мемарыяльны знак.

mogilevnews.by