Прамысловасць

Прамысловы комплекс Магілёўскай вобласці вырабляе 8,2 % рэспубліканскага аб'ёму прамысловай прадукцыі і фарміруе каля трэці валавой дабаўленай вартасці.

Асноўнымі галінамі прамысловасці з'яўляюцца вытворчасць харчовых прадуктаў, гумавых, пластмасавых вырабаў і іншых неметалічных мінеральных прадуктаў, вытворчасць вырабаў з дрэва і паперы, вытворчасць машын і абсталявання і транспартных сродкаў. У вобласці засяроджаны рэспубліканскі аб'ём вытворчасці ліфтаў і шын.

За апошнія пяць гадоў у вобласці павялічылася вытворчасць кармоў для сельскагаспадарчых жывёл, сметанковага масла, сыроў, каўбасных вырабаў, вагонаў чыгуначных, цэменту, пліт драўнянастружкавых.

За 2025 г. прамысловымі арганізацыямі вобласці выпушчана прадукцыі на суму 17,0 млрд. рублёў. Індэкс прамысловай вытворчасці склаў 96,1 %.

Запасы гатовай прадукцыі на 1 студзеня 2026 г. склалі 928,0 млн. рублёў, іх суадносіны да сярэднямесячнага аб'ёму вытворчасці склалі 83,8%.

Удзельная вага адгружанай інавацыйнай прадукцыі ў аб'ёме адгружанай прадукцыі за 2025 г. у цэлым па вобласці склала 12,2 %.

Імпартазамяшчэнне.

У План мерапрыемстваў па імпартазамяшчэнні Магілёўскай вобласці на 2025 год уключана 140 суб'ектаў гаспадарання вобласці, у тым ліку 108 арганізацый малога і сярэдняга бізнесу. Вытворчасць імпартазамяшчальнай прадукцыі ажыццяўляецца па 230 таварных пазіцыях.

У 2025 годзе плануецца забяспечыць аб'ём вытворчасці імпартазамяшчальнай прадукцыі на суму 1 млрд. 125 млн. долараў, або 105,8% да ўзроўню 2024 г. На экспарт плануецца адгрузіць прадукцыі на суму 611,2 млн. долараў (тэмп росту - 100,5%).

Па арганізацыях малога і сярэдняга бізнесу аб'ём імпартазамяшчальнай прадукцыі прагназуецца на суму 590 млн. долараў, ці 103,5% да ўзроўню 2024 года. На экспарт плануецца адгрузіць прадукцыі на суму каля 349 млн. долараў (тэмп росту - 103,6%).

Па выніках працы за студзень-верасень 2025 г. аб'ём вытворчасці імпартазамяшчальнай прадукцыі склаў 845,1 млн. долараў (тэмп росту - 105,3%), або 100,2% ад даведзенага задання на гэты перыяд (843,8 млн. долараў). Больш за палову вырабленай прадукцыі адгружана на экспарт - 445,7 млн. даляраў (тэмп - 96,6%).

Арганізацыямі малога і сярэдняга бізнесу выраблена імпартазамяшчальнай прадукцыі на суму 459,4 млн. долараў прадукцыі (тэмп росту - 105,2%), у тым ліку на экспарт рэалізавана больш за палову вырабленай прадукцыі - 249,9 млн. долараў (тэмп росту - 100,5%). Доля малога і сярэдняга бізнесу ў агульным аб'ёме вытворчасці імпартазамяшчальнай прадукцыі - 54,4 %.