Графікі асабістых прыёмаў і прамых тэлефонных ліній

Указам Прэзідэнта Рэспублікі Беларусь ад 13 чэрвеня 2023 г. № 172 «Аб змяненні Дырэктывы Прэзідэнта Рэспублікі Беларусь» унесены змяненні ў Дырэктыву № 2 ад 27 снежня 2006 г. «Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва». У прыватнасці, зменены парадак правядзення асабістых прыёмаў і наўпроставых тэлефонных ліній.

Асабісты прыём грамадзян кіраўніцтвам аблвыканкама, гарвыканкамаў, райвыканкамаў, мясцовых адміністрацый раёнаў у гарадах будзе праводзіцца штотыдзень з 8.00 да 13.00 ці з 15.00 да 20.00. Пры гэтым Дырэктыва № 2 прадпісвае кіраўнікам дзяржаўных органаў, у тым ліку мясцовых органаў улады, праводзіць асабісты прыём да 20.00 не радзей як адзін раз у месяц.

У гарвыканкамах, райвыканкамах, мясцовых адміністрацыях раёнаў у гарадах захоўваецца ўстаноўлены раней дзень асабістага прыёму - кожная серада.

Прамая тэлефонная лінія ў Магілёўскім аблвыканкаме (старшынёй і (або) яго намеснікамі, кіраўніком спраў) у сувязі з названымі змяненнямі будзе праводзіцца ў другую суботу кожнага месяца, пры гэтым час яе правядзення застаўся ранейшым - з 9.00 да 12.00, як і нумар тэлефона - 8 (0222) 50-18-69.

Адменены абавязак правядзення прамых тэлефонных ліній па суботах кіраўнікамі і (або) іх намеснікамі ў сельскіх выканаўчых камітэтах.

Парадак правядзення прамых тэлефонных ліній у гарвыканкамах, райвыканкамах, мясцовых адміністрацыях раёнаў у гарадах не змяніўся - кіраўнікі названых органаў выканаўчай і распарадчай улады будуць праводзіць прамую тэлефонную лінію кожную суботу з 9.00 да 12.00.

Адпаведныя графікі правядзення асабістых прыёмаў грамадзян, прамых тэлефонных ліній размяшчаюцца ў арганізацыях у агульнадаступных месцах (на інфармацыйных стэндах, табло і (або) іншым спосабам), а таксама ў сродках масавай інфармацыі, глабальнай камп'ютарнай сетцы Інтэрнэт.

Прамыя тэлефонныя лініі пройдуць у Магілёўскай вобласці 2 мая

Камітэт па працы, занятасці і сацыяльнай абароне Магілёўскага аблвыканкама пройдзе 11 мая