09.06.2026 - 11:32

Дзяржаўны камітэт па стандартызацыі Рэспублікі Беларусь (далей – Дзяржстандарт) у адпаведнасці з пастановай Савета Міністраў Рэспублікі Беларусь ад 29 сакавіка 2024 г. № 224 «Аб парадку прысваення Дзяржаўнага знака якасці» інфармуе, што цяпер праводзіцца работа па прысваенні прадукцыі Дзяржаўнага знака якасці.

З 1 чэрвеня 2026 г. ажыццяўляецца ацэнка прадукцыі па паказчыках якасці: бяспека, экалагічнасць, інавацыйнасць, тэхналагічнасць, эстэтычнасць. Ацэнку па першых чатырох з іх праводзяць адказныя органы: Дзяржстандарт, Міністэрства прыродных рэсурсаў і аховы навакольнага асяроддзя, Дзяржаўны камітэт па навуцы і тэхналогіях, галіновыя органы дзяржаўнага кіравання.

Паказчык «эстэтычнасць» ацэньваюць спажыўцы.

Доступ для онлайн–галасавання арганізаваны на партале «ЯКАСЦЬ.БЕЛ» у раздзеле «Дзяржаўны знак якасці» па спасылцы vote.gskp.by. Дадзеная магчымасць прадугледжана да 26 ліпеня 2026 г. (уключна).