RU BY EN 中文
Twitter Instagram

Абласны двухдзённы семінар для спецыялістаў, якія знаходзяцца ў рэзерве кіруючых кадраў, праходзіць у Магілёве

Абласны двухдзённы семінар для асоб, якія знаходзяцца ў рэзерве кадраў на пасады намеснікаў старшыняў гаррайвыканкамаў, кіраўнікоў адміністрацый раёнаў у гарадах па сацыяльных пытаннях, начальнікаў аддзелаў ідэалагічнай работы, культуры і па справах моладзі, аддзелаў (сектараў) ідэалагічнай работы і па справах моладзі гаррайвыканкамаў, адміністрацый раёнаў у гарадах, праходзіць у Магілёве.

Мерапрыемства сабрала больш за 70 удзельнікаў з усяго рэгіёна. Як адзначыла, адкрываючы семінар, начальнік галоўнага ўпраўлення ідэалагічнай работы і па справах моладзі Магілёўскага аблвыканкама Кацярына Музычэнка, галоўная мэта такіх сустрэч – пашырэнне прафесійных ведаў, павышэнне кампетэнтнасці рэзервістаў, удасканаленне асобасных і дзелавых якасцей.

Праграма семінара разнастайная і ўключае тэарэтычную і практычную часткі. Сёння перад удзельнікамі вучобы выступіў старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Беларусі доктар гістарычных навук прафесар Ігар Марзалюк. Ён расказаў пра месца нашай краіны ў сістэме міжнародных адносін, стратэгічных мэтах і выкліках часу. Пра сучасныя тэхналогіі ідэалагічнай і інфармацыйна-прапагандысцкай працы дакладваў член навукова-экспертнай групы пры дзяржаўным сакратарыяце Савета Бяспекі Беларусі доктар тэхнічных навук прафесар Аляксандр Іваноўскі. Дэкан факультэта эканомікі і права Магілёўскага дзяржаўнага ўніверсітэта імя А. А. Куляшова кандыдат палітычных навук дацэнт, лектар Магілёўскай абласной арганізацыйнай структуры РДГА «Беларускае таварыства «Веды»» Дзмітрый Рагоўцоў расказаў пра ролю палітычных партый і грамадскіх арганізацый у фарміраванні грамадзянскай супольнасці.

У другой палове дня запланаваны выступленні намесніка дырэктара Магілёўскага абласнога вытворчага ўнітарнага прадпрыемства «Кінавідэапракат» Людмілы Панізовіч і начальніка ўпраўлення ідэалагічнай работы галоўнага ўпраўлення ідэалагічнай работы і па справах моладзі аблвыканкама Алега Карапава на тэму «Ідэалогія беларускай дзяржавы як аснова ідэалагічнай работы. Сістэма ідэалагічнай работы ў Рэспубліцы Беларусь». Пра асновы антыкарупцыйнага заканадаўства і меры супрацьдзеяння карупцыі раскажа юрыст падпалкоўнік юстыцыі старшы следчы па асабліва важных справах упраўлення Следчага камітэта Беларусі па Магілёўскай вобласці ў запасе, лектар Магілёўскай абласной арганізацыйнай структуры РДГА «Беларускае таварыства «Веды»» Алена Краўчанка.

Заўтра семінар працягнецца ў Магілёўскім дзяржаўным універсітэце імя А. А. Куляшова. Тут удзельнікаў мерапрыемства чакае псіхалагічны блок, прысвечаны эфектыўнай камунікацыі ў арганізацыі і камандзе, а таксама прэзентацыя працы з моладдзю ў ВНУ. Акрамя таго, запланаваны практычныя выязныя заняткі, якія прадугледжваюць знаёмства з вопытам ідэалагічнай работы ў ААТ «Дамачай».

Пры выкарыстанні матэрыялаў актыўная гіперспасылка на mogilev-region.gov.by абавязковая