Абласны этап рэспубліканскага конкурсу «Студэнт года» пройдзе ў Магілёве 15 лістапада

Напярэдадні Міжнароднага дня студэнта 15 лістапада ў 12.00 на базе «Дом культуры чыгуначнікаў» адбудзецца абласны этап рэспубліканскага конкурсу «Студэнт года». Пра гэта распавялі ў Магілёўскім абласным камітэце грамадскага аб'яднання «Беларускі саюз моладзі».

Паводле слоў субяседнікаў, сёлета ў конкурсе прымуць удзел студэнты з Беларуска-Расійскага ўніверсітэта, Магілёўскага дзяржаўнага ўніверсітэта імя А. А. Куляшова, Магілёўскага інстытута МУС Рэспублікі Беларусь, Беларускага дзяржаўнага ўніверсітэта харчовых і хімічных тэхналогій, Беларускай дзяржаўнай Сельскагаспадарчай акадэміі.

«У абласным этапе спаборніцтва сыдуцца найлепшыя прадстаўнікі студэнцкай моладзі. Дзевяць канкурсантаў будуць змагацца за тытул «Студэнт года». Гэта хлопцы, якія не толькі дабіліся высокіх вынікаў у вучобе, але і праявілі сябе ў розных сферах дзейнасці, - расказалі субяседнікі. - Пераможца адправіцца прадстаўляць наш рэгіён на рэспубліканскім конкурсе».

Удзельнікам неабходна будзе прадставіць сябе і сваю навучальную ўстанову ў «візітоўцы», праявіць аратарскія і творчыя здольнасці.

Гонар Міждзяржаўнай адукацыйнай установы вышэйшай адукацыі «Беларуска-Расійскі ўніверсітэт» будуць адстойваць дзве цудоўныя дзяўчыны: студэнтка 2 курса электратэхнічнага факультэта Марыя Церахава і студэнтка 4 курса, машынабудаўнічага факультэта Ангеліна Цюрына.

Марыя займаецца конным спортам, удзельніца народнага тэатра Палаца культуры вобласці пад кіраўніцтвам Алы Кускавай. Імкнецца быць не проста ўдзельнікам, але і арганізатарам разнастайных акцый і мерапрыемстваў у навучальнай установе. З камандай аднадумцаў - здымае відэа-кантэнт для цік-ток канала БРУ. Ніколі не спыняецца на дасягнутым, заўсёды ставіць перад сабой новыя мэты і ўвасабляю іх у жыццё.

Ангеліна - творчая і вытанчаная асоба, якая ідзе упэўненым крокам да сваёй мэты. У 2020 годзе была абрана сябраў Моладзевага Парламента пры Магілёўскім абласным Савеце дэпутатаў. Сёння - Мадэль тэатра мода «Александрыя». Ва ўніверсітэце - член Навуковай рады ўніверсітэта. Сакратар пярвічнай арганізацыі БРСМ машынабудаўнічага факультэта. Рэдактар газеты «Mash Times». Стараста самай дружнай групы ва ўніверсітэце. Удзельнік і арганізатар акцыя, мерапрыемстваў і форумаў. За доўгую гісторыю студэнцкіх атрадаў ва ўніверсітэце - першая дзяўчына камандзір Студэнцкага Вытворчага атрада «БРУклін».

Магілёўскі дзяржаўны ўніверсітэт імя А. А. Куляшова прадставяць студэнтка 3 курса факультэта эканомікі і права Ніна Пятроўская і студэнт 2 курса факультэта эканомікі і права Дзмітрый Варабей.

Ніна актыўна прымае ўдзел у рэспубліканскіх і міжнародных акцыях і праектах Беларускага рэспубліканскага саюза моладзі. З'яўляецца камісарам студэнцкага педагагічнага атрада «Іскра Юнацтва» і каардынатарам валанцёрскага руху на факультэце. З самага дзяцінства на сцэне, любіць публіку, радаваць людзей і зараджаць іх энергіяй.

Дзмітрый - патрыёт, які сумяшчае ў сабе творчыя і інтэлектуальныя здольнасці. Сапраўдны аратар, які сам піша цудоўныя творы і не менш цудоўна выконвае іх, актывіст гатовы ў любы момант прыйсці на дапамогу. Галоўны дэвіз маладога чалавека – «Не той вялікі хто ніколі не падаў, а той вялікі хто падаў і ўставаў».

Беларускі дзяржаўны ўніверсітэт харчовых і хімічных тэхналогій прадставяць другакурснікі Паліна Арцёмчык і Данііл Патапаў.

Паліна з'яўляецца студэнткай эканамічнага факультэта. Добрая і спагадлівая дзяўчына, гатовая дапамагчы ў любой сітуацыі. З'яўляецца байцом СПРА «Маладосць», МААП «Начны дазор» і валанцёрам атрада «Шчасце ў падарунак». У дзяўчыны мноства хобі. Нягледзячы на гэта, Паліна паспявае добра вучыцца і пісаць даклады на навуковыя канферэнцыі.

Данііл вучыцца на механічным факультэце. Пра студэнта гавораць, што ён хлопец з палаючым сэрцам і імкненню пераадольваць цяжкасці. Актывіст універсітэта, валанцёр «Шчасце ў падарунак», баец вытворчага атрада «Маладосць» і МААП «Начны дазор». Ён гатовы выслухаць і падтрымаць кожнага, а яго ўсмешка зачаруе ўсіх.

За Беларускую дзяржаўную сельскагаспадарчую акадэмію выступіць студэнт 3-га курса факультэт бізнесу і права Мікалай Дыкаленка і студэнтка 4-га курса, агратэхналагічнага факультэта Дар'я Каржова.

Мікалай праяўляе свае якасці і амбіцыі праз грамадскія арганізацыі, у тым ліку БРСМ і прафсаюз студэнтаў УА «БДСГА», а таксама праз мерапрыемствы, якія праводзяцца на факультэце, у навучальнай установе, вобласці, рэспубліцы і на міжнародным узроўні. Лічыць сябе крэатыўным, інтэлектуальна развітым, адказным, сапраўдным патрыётам сваёй краіны.

Дар'я вясёлая, творчая дзяўчына. Заўсёды імкнецца да дасканаласці. Выдатна вучыцца і спасцігае асновы сваёй будучай прафесіі. З дзяцінства захапляецца танцамі, у чым дасягнула пэўных вышынь.

Магілёўскі інстытут МУС Рэспублікі Беларусь прадставіць студэнтка 4 курса, факультэта міліцыі Аляксандра Шведава.

Аляксандра валодае дарам сцэнічнага мастацтва, з'яўляецца ўдзельнікам харэаграфічнай студыі «Мілітары». Яна з тых, хто выкладваецца спрабуючы не проста паўтарыць рухі танца, але і перадаць характар, эмоцыі, жыць у танцы. Пераможца IX Міжнароднай навуковай канферэнцыі студэнтаў і магістрантаў «Улік і аналіз гаспадарчай дзейнасці ў АПК і яе фінансавае забеспячэнне». Узнагароджана знакам Міністра МУС «За адзнаку». Пераможца міжнароднай навуковай канферэнцыі «Навуковы пошук курсантаў – 2023». Стыпендыят спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў. Пераможца конкурсу «Курсант года-2022». Узнагароджана Дыпломам II ступені ў конкурсе «Курсант года-2021». Пераможца навучальнай канферэнцыі па дысцыпліне «Інтэрнэт камунікацыі ў дзейнасці АУС».

Рэд.