Абласны этап рэспубліканскай дабрачыннай акцыі БРСМ і БРП «Цуды на Каляды» стартуе 6 снежня. Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі».
Як адзначылі ў арганізацыі, візітнай карткай акцыі з’яўляецца своеасаблівая «Ёлка жаданняў», на ёй валанцёры размесцяць паштоўкі выхаванцаў Краснапольскага і Слаўгарадскага раённых цэнтраў карэкцыйна-развіваючага навучання і рэабілітацыі.
Кожны жадаючы зможа выбраць паштоўку і выканаць жаданне адпраўніка, паклаўшы падарунак у куфар «Добрых сэрцаў», устаноўлены пад ёлкай. У сваю чаргу валанцёры БРСМ перададуць сабраныя падарункі дзецям.
Абласная дабрачынная акцыя будзе праходзіць з 6 па 30 снежня 2022 года (15.00–18.00) штодня, акрамя выхадных і святочных дзён.
Даведачна: у межах акцыі валанцёрскія атрады грамадскага аб’яднання «Беларускі рэспубліканскі саюз моладзі» арганізуюць збор навагодніх падарункаў, цацак, гульняў, канцылярскіх прылад, спартыўных тавараў, дзецям-сіротам, шматдзетным сем’ям, дзецям, якія аказаліся ў цяжкай жыццёвай сітуацыі, дзіцячым дамам сямейнага тыпу і інш.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
