Магілёўскі абласны камітэт ГА «БРСМ» 3 лютага запускае рэгіянальны фотаконкурс «Мінулае, сучаснасць, будучыня...», прысвечаны Дню абаронцаў Айчыны і Узброеных Сіл Рэспублікі Беларусь. Пра гэта паведамілі ў арганізацыі.
«Для ўдзелу запрашаецца моладзь ва ўзросце ад 14 да 31 года, якая знаходзіцца ў радах ГА «БРСМ», – адзначылі суразмоўцы. – Арганізатары вызначаць некалькі работ у кожнай намінацыі і размесцяць іх для далейшага інтэрнэт-галасавання ў сацыяльнай сетцы «УКантакце». Пераможцамі стануць удзельнікі, чые працы набяруць найбольшую колькасць галасоў у прадстаўленых катэгорыях».
Конкурс праводзіцца ў трох намінацыях:
– «Мая дынастыя» – на фота павінна быць намалявана некалькі пакаленняў, якія прайшлі службу ў войску (у вайсковай форме);
– «Я служу» – неабходна даслаць партрэт чалавека, які знаходзіцца зараз на службе ва Узброеных Сілах Беларусі;
– «Будучы абаронца» – выявы будучых абаронцаў нашай краіны (дзеці ў ваеннай форме і/або з уласнай атрыбутыкай, у знакавым месцы і г. д.).
Да ўдзелу ў фотаконкурсе прымаюцца работы ў фармаце JPG, не больш за 3 у кожнай намінацыі.
Фотаработы і заяўкі неабходна дасылаць на электронны адрас Магілёўскага абласнога камітэта ГА «БРСМ»: brsmmogilevobl@gmail.com з пазнакай «Фотаконкурс» да 17 лютага (уключна).
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці
15.04.2024 - 10:22
Удзельніца «Цягніка Памяці – 2022»: праект дапамог зірнуць на многія рэчы па-іншаму
12.04.2024 - 14:46
Больш за 6 тыс. маладых людзей Магілёўскай вобласці будуць працаваць у студатрадах
11.04.2024 - 16:44
11.04.2024 - 10:59