Абласны тур рэспубліканскага сямейнага сельскагаспадарчага праекта «Уладар вёскі» адбудзецца 16 чэрвеня ў Клічаве. Пра гэта паведамілі ў абласным камітэце БРСМ.
У гарадскім парку збяруцца 19 самых актыўных сем'яў Магілёўшчыны, якія жывуць і працуюць у вёсцы. Самаму маленькаму ўдзельніку 7 месяцаў. Урачыстым пачаткам мерапрыемства стане ўскладанне кветак да Мемарыяльнага знака па ўшанаванні вызвалення г.п. Клічава ад нямецка-фашысцкіх захопнікаў і аднаўлення Савесткай улады ў тыле ворага. Затым сем'і высадзяць дрэвы на «Алеі Сям'і».
Далей удзельнікам трэба будзе спаборнічаць у сямі конкурсах: «Вітаем па-беларуску»; «Па дровы»; «Сіўка-Бурка»; «Сельская спартыўная эстафета»; «Выстава дасягненняў сямейнай гаспадаркі»; «Лепшы сельскі падворак» і «Сюрпрыз».
Па выніках усіх выпрабаванняў вызначыцца сям'я-пераможца, якая прадставіць Магілёўшчыну ў фінале сямейнага сельскагаспадарчага праекта «Уладар вёскі» ў аг. Александрыя на рэспубліканскім свяце «Купалле» («Александрыя збірае сяброў»).
У Магілёўскім абласным камітэце грамадскага аб'яднання «Беларускі рэспубліканскі саюз моладзі», які з'яўляецца арганізатарам мерапрыемства, нагадалі, што ў конкурсе традыцыйна прымаюць удзел маладыя сем'і з дзецьмі, у якіх хаця б адзін з мужа і жонкі знаходзіцца ва ўзросце да 31 года і з'яўляецца членам грамадскай арганізацыі. Акрамя таго, сям'я павінна пастаянна пражываць і працаваць у сельскай мясцовасці, весці асабістую падсобную гаспадарку.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці