Падлогі з падагрэвам, уласная пральня і сучасны харчаблок – у аграгарадку Усход Магілёўскага раёна сёння адкрыюць абноўлены дзіцячы сад. Пра гэта паведамілі ў Магілёўскім райвыканкаме.
«Увядзення ў эксплуатацыю абноўленага саду мы чакалі трохі больш за год: працы на аб’екце пачаліся ў снежні 2018-га, – расказалі ў райвыканкаме. – За гэты час стары будынак 1977 года пабудовы быў не толькі мадэрнізаваны, але і ўзмоцнены новай прыбудовай. Плошча аб’екта стала большай у 1,5 раза. Гэта дазволіла істотна павялічыць праектную магутнасць адзінай у аграгарадку дашкольнай установы і забяспечыць месцамі ў дзіцячым садзе практычна ўсіх жадаючых».
Пасля рэканструкцыі дзіцячы сад можа прыняць 105 выхаванцаў, у той час як да пачатку рамонту ўстанову наведвалі 75 малых. Цяпер тут працуе шэсць груп: дзве ў старой частцы будынка і чатыры–у новай. Дарэчы, колькасць супрацоўнікаў – як педагогаў, так і тэхперсаналу – таксама плануецца павялічыць. На сёння тут працуе 11 выхавальнікаў і 11 тэхнічных работнікаў.
«Мы асабліва ганарымся тым, што абноўлены сад у тэхнічным плане не будзе саступаць гарадскім установам, – падкрэсліла загадчык установы дашкольнай адукацыі Галіна Цыганчук. – Тут ёсць усё неабходнае для камфортнага знаходжання дзяцей: цёплыя падлогі, новы харчаблок з сучасным абсталяваннем, пакой медсястры, прасторныя і светлыя дзіцячыя групы, добраўпарадкаваныя пляцоўкі і многае іншае. Вялікая радасць для нас і дзяцей – новая музычная зала, якой не было да рамонту».
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне
29.04.2024 - 15:59
Адзіны знак «Дрэва жыцця» ўстановяць ва ўсіх абласцях Беларусі ў памяць аб ахвярах генацыду
29.04.2024 - 12:15
29.04.2024 - 10:41
Мінадукацыі скарэктавала тэрміны прыёму ў 10-11-я класы гімназій і школ