Адкрыты гарадскі турнір па пляжным валейболе пройдзе ў Магілёве

У Магілёве адбудзецца гарадскі турнір па пляжным валейболе «Гарачая пара: мяч над сеткай». Пра гэта паведамілі ў Магілёўскім гарадскім камітэце ГА «БРСМ».

Гульні стартуюць 17 ліпеня ў 17.00, а 18 ліпеня адбудзецца фінал.

Як паведамілі суразмоўцы, спаборніцтвы будуць праходзіць на валейбольных пляцоўках зоны адпачынку Святога возера (вул. Сіманава).

Да ўдзелу запрашаюцца каманды, сфарміраваныя першаснымі арганізацыямі ГА «БРСМ» прадпрыемстваў, арганізацый Магілёва, начальнікамі штабоў працоўных спраў устаноў адукацыі з ліку працоўнай моладзі і байцоў студэнцкіх атрадаў. Склад каманды –2 чалавекі. Турнір праводзіцца асобна сярод мужчынскіх і жаночых каманд.

«Валейбольныя баталіі сталі ўжо традыцыйнымі і спрыяюць папулярызацыі здаровага ладу жыцця, далучэння гарадской моладзі да актыўных заняткаў фізічнай культурай і спортам, актывізацыі дзейнасці першасных арганізацый ГА «БРСМ», садзейнічаюць правядзенню масавых моладзевых спартыўных мерапрыемстваў, накіраваных на прафілактыку негатыўных з’яў у маладзёжным асяроддзі, папулярызацыі руху студэнцкіх атрадаў», – адзначылі суразмоўцы.

Арганізатарамі спартыўнага мерапрыемства выступаюць гарадскі камітэт ГА «БРСМ» сумесна з магілёўскім фізкультурна-спартыўным клубам.