Адкрыты рэгіянальны конкурс творчых работ «Навагодняя майстэрня» праходзіць у Магілёве. Пра гэта расказалі ў Палацы культуры вобласці.
Конкурс з'яўляецца адкрытым. Для ўдзелу трэба прадставіць творчую работу, прысвечаную зіме і навагоднім святам. Пераможцаў будуць вызначаць у некалькіх узроставых катэгорыях: 3-6 гадоў, 7-12, 13-16, а таксама 17 гадоў і старэйшыя.
Канкурсантам прапануюць тры намінацыі: навагоднія ўпрыгожанні, навагодні сімвал, калядная казка. Прыняць удзел можна як у адной, так і некалькіх намінацыях.
Да ўдзелу ў конкурсе прымаюцца творчыя работы, выкананыя ў разнастайных тэхніках дэкаратыўна-прыкладнога мастацтва і мастацкай творчасці. Іх памер павінен быць не менш за 15х15 гл.
Журы будуць ацэньваць арыгінальнасць і індывідуальнасць ідэі, наватарскія падыходы да яе рэалізацыі, паўнату раскрыцця тэмы, тэхніку выканання, а таксама прымяненне нестандартных творчых і тэхнічных рашэнняў.
Заяўкі на ўдзел прымаюцца да 21 снежня. Таксама неабходна не пазней за гэтую дату даставіць працу ў Палац культуры вобласці.
Узнагароджанне пераможцаў пройдзе 27 снежня падчас адкрыцця выставы «Навагодняя майстэрня», якую сфарміруюць па выніках конкурсу. Пазнаёміцца з ёю можна будзе да 8 студзеня.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»