Адкрыты турнір «Кубак дружбы» па настольным тэнісе стартаваў у Магілёве

Адкрыты турнір «Кубак дружбы» па настольным тэнісе стартаваў у Магілёве 25 чэрвеня. Пра гэта паведамілі ў Магілёўскім абласным цэнтры алімпійскага рэзерву па лёгкай атлетыцы і гульнявых відах спорту.

Спаборніцтвы будуць праходзіць на працягу двух дзён у рамках першынства Магілёўскай вобласці па настольным тэнісе сярод юніёраў і юніёрак.

Турнір пройдзе з удзелам спартсменаў з горада Цяньцзінь (Кітай) і Санкт-Пецярбурга (РФ). Усе сустрэчы будуць складацца з 5 сэтаў.

Гульні другога спаборніцкага дня пачнуцца ў 11.00 і завершацца ў 18.30 цырымоніямі ўзнагароджання і закрыцця спаборніцтваў.

Уваход для гледачоў вольны.

БЕЛТА