Актыў БРСМ Магілёўскай вобласці прыме ўдзел у рэспубліканскай акцыі «Дай лесу новае жыццё»

Актыў БРСМ Прыдняпроскага краю 23 кастрычніка прыме эстафету ў рамках рэспубліканскай акцыі «Дай лесу новае жыццё», накіраванай на аднаўленне ветравальна-бураломных участкаў лесу, якія пацярпелі ў выніку ўрагану. Пра гэта расказалі ў Магілёўскім абласным камітэце грамадскага аб'яднання Беларускі рэспубліканскі саюз моладзі.

Больш за 60 чалавек пасадзяць каля 5тыс. елак і соснаў у вёсцы Грыбачы, Пашкаўскага сельсавета Магілёўскага раёна.

«Моладзь Беларусі актыўна адгукнулася на заклік нашага Прэзідэнта да беларусаў узяць удзел у акцыі «Дай лесу новае жыццё», каб адрадзіць родныя лясы, - падкрэслілі суразмоўцы. - Каманда саюза моладзі папрацуе над аднаўленнем ляснога масіва ў Магілёўскім лясніцтве. Месца правядзення працоўнай акцыі выбрана не выпадкова: Навальнічны фронт бязлітасна прайшоўся па Магілёўскай вобласці - менш чым за гадзіну непагадзь нарабіла нямала бяды. Вялікія страты налічваюцца ў лясным фондзе - паводле папярэдніх звестак, у рэгіёне пацярпела больш за 5 тысяч гектараў».

Рэд.