Сваім меркаваннем аб абноўленай Канстытуцыі падзялілася галоўны спецыяліст упраўлення сацыяльнай дапамогі і сацыяльнага абслугоўвання камітэта па працы, занятасці і сацыяльнай абароне Магілёўскага аблвыканкама Алена Арцёмчык.

– Канстытуцыя – гэта дакумент, які вызначае будучыню краіны і кожнага з нас, таму ён важны для моладзі. Змяненне Канстытуцыі – гэта рух наперад. Дзяржава па-ранейшаму будзе спрыяць усебаковаму развіццю і падтрымцы моладзі. Я лічу, што ў нашай краіне ствараюцца ўсе ўмовы для ўсебаковага развіцця маладых людзей і іх удзелу ў грамадскім жыцці.

З прафесійнага боку хачу адзначыць, што наша дзяржава асаблівую ўвагу надае абароне інтарэсаў і падтрымцы людзей з інваліднасцю, Унясенне змяненняў у асноўны юрыдычны дакумент нашай краіны ўзмацняе і падкрэслівае значнасць рэалізацыі палітыкі сацыяльнай інтэграцыі інвалідаў, стварэння даступнага асяроддзя і паляпшэння якасці іх жыцця, падтрымкі сем’яў з інвалідамі.

Мы, моладзь, нароўні з усімі грамадзянамі Рэспублікі Беларусь нясем адказнасць за будучыню нашай краіны.

wmeste.by