Аляксандр Лукашэнка аб захоўванні і рэалізацыі бульбы: трэба максімальна падключаць гандлёвыя сеткі

Прэзідэнт Беларусі Аляксандр Лукашэнка арыентаваў на тое, каб актыўна прыцягваць гандлёвыя сеткі да арганізацыі захоўвання і далейшай рэалізацыі бульбы. Аб гэтым ён заявіў у час рабочай паездкі ў Магілёўскую вобласць.

Асобнай тэмай даклада кіраўніку дзяржавы стала вырошчванне бульбы. У Беларусі яе вырошчваюць пераважна фермеры і насельніцтва, і ў меншай ступені - сельскагаспадарчыя арганізацыі. Але пры гэтым пасяўныя плошчы пад бульбу ў фермераў меншыя, а вось ураджайнасць - большая за кошт строгага выканання тэхналогій.

Пасля праблем з наяўнасцю бульбы ў гандлі вясной бягучага года, было прынята рашэнне яшчэ павялічыць плошчы пад вырошчванне гэтай культуры.

«Я вам раіў пасеяць бульбу. Як вы бачыце цяпер, мы не памыліліся, што бульбу пасеялі (на павялічаных плошчах. - Заўвага БЕЛТА)?» - звярнуўся да прысутных Аляксандр Лукашэнка. Усе пагадзіліся, што рашэнне было правільным.

Кіраўнік дзяржавы папярэдзіў, што ў бягучым годзе захаваецца значны попыт на бульбу за межамі краіны, у тым ліку ў суседняй Расіі, дзе ў час вясенняга дэфіцыту была прададзена нават насенная бульба і, значыць, хутка нарасціць пасяўныя плошчы не ўдасца. Такая прапанова - прадаць насенне - паступала таксама і ад чыноўнікаў у Беларусі, але адказ Прэзідэнта быў дакладны: «Насенне прапаноўвалі прадаць вясной. Я кажу: вы што, з глузду з'ехалі? Ну, пацерпім ужо... Аказваецца, там справа не ў бульбе была, а ў нечых галовах, якія сёння ў турме сядзяць».

Прэзідэнта запэўнілі, што ўраджай бульбы будзе дастатковы. Важна, каб былі падрыхтаваны агароднінасховішчы і ўраджай быў захаваны да вясны, каб былі наладжаны цесныя сувязі з гандлёвымі сеткамі і яны своечасова пастаўлялі бульбу ў магазіны. Каб не паўтарылася сітуацыя вясны бягучага года.

«Трэба глядзець, каб не гандлёвыя сеткі вамі кіравалі, а вы імі кіравалі, - сказаў Аляксандр Лукашэнка. - І глядзіце, каб мы стабілізацыйныя фонды заклалі, а потым (каб не атрымалася так, што. - Заўвага БЕЛТА) нам нечага не хапіла або праблемы ўзніклі. Павінны да гэтага (гандлёвыя сеткі. - Заўвага БЕЛТА) падключацца максімальна, наколькі магчыма».

Асобна Прэзідэнт спытаў пра наяўнасць бульбы цяпер у магазінах і яе кошт для насельніцтва. Было даложана, што гандаль на 95 працэнтаў забяспечаны ранняй бульбай, цана ў сярэднім Br1,3. Але гэта на раннюю бульбу, а ў далейшым яна знізіцца.

Аляксандр Лукашэнка 8 мая бягучага года звяртаў увагу, што ў Расіі цэны на тую ж бульбу аказаліся ў некалькі разоў вышэйшыя, чым у Беларусі. Таму вытворцы арыентаваліся на расійскі рынак.

«Нядаўна мне ва ўрадзе кажуць: «Аляксандр Рыгоравіч, не перажывайце: у нас пару дзясяткаў тысяч тон насеннай бульбы - мы прададзім». Я кажу: «Я гісторык. Памятаеце, у гады Вялікай Айчыннай вайны людзі паміралі з голаду ў Ленінградзе, а зярняткі захавалі, каб потым хлеб быў. І вы думаеце, што ў Расіі і іншых краінах, дзе сёння дэфіцыт бульбы, заўтра вычарпаюць гэты дэфіцыт? Не. Ён яшчэ будзе некалькі гадоў. У нас ёсць насенная бульба. Давайце месяц яшчэ адмучаемся (каму там бульба не падабаецца?), а гэта пасеем. Атрымаем у дзесяць разоў больш, чым пасеялі, і потым прададзім па добрай цане». Таму такая вось хітрая, можа, сялянская задума», - адзначыў кіраўнік дзяржавы.

«Калі нехта перажывае ўжо за бульбу - месяц вытрымаем. Але без бульбы не будзем», - падкрэсліў Аляксандр Лукашэнка.

Паводле яго слоў, Камітэту дзяржаўнага кантролю даручана разабрацца з сітуацыяй ва ўсіх гандлёвых сетках і паглядзець, якой прадукцыі не хапае.

«І потым я губернатараў паклічу і запатрабую: я ж восенню вас папярэджваў, што трэба стварыць стабілізацыйныя фонды. Гэта значыць пакласці ў запас, каб накарміць людзей. А што гэта? Бульба перш за ўсё. Яблык і іншае. Дзе яно? Вядома, сялянам трэба атрымаць грошы. Калі яны не прададуць бульбу (на экспарт. - Заўвага БЕЛТА) і не атрымаюць валюту, то нам з бюджэту давядзецца іх падтрымліваць. Не хацелася б. У нас небагатыя настаўнікі, урачы і пенсіянеры. Гэта нам таксама ўрок. Думаю, што гэта будзе для ўсёй вертыкалі ўлады апошні такі ўрок. Трэба прывесці сховішчы ў парадак, пакласці колькі трэба самай лепшай у свеце бульбы, каб наш народ ніколі не пакутаваў ад гэтага няшчасця», - падкрэсліў Прэзідэнт.

Як у Беларусі з бульбай? Гародніна нумар адзін сёння ў цэнтры ўвагі Аляксандра Лукашэнкі

Аляксандр Лукашэнка запатрабаваў узмацніць культуру земляробства

Аляксандр Лукашэнка расказаў, які беларускі прадукт возьме з сабой у Кітай

Аляксандр Лукашэнка папярэдзіў, што адсутнасць айчыннай бульбы ў магазінах недапушчальная

Аляксандр Лукашэнка: нашы людзі павінны ведаць, што бульбы ў Беларусі дастаткова

Аляксандр Лукашэнка: важна не толькі ўбраць ураджай бульбы, але і захаваць яе

Аляксандр Лукашэнка назваў ураджай на палях дастойным, нягледзячы на ​​няпросты год

Аляксандр Лукашэнка адзначыў добрую работу сялян у гэтым годзе

Аляксандр Лукашэнка даручыў вучоным зрабіць устойлівы да хвароб гатунак бульбы

Аляксандр Лукашэнка абяцае падтрымку фермерам

Аляксандр Лукашэнка назваў умову, пры якой гатовы прыйсці ў «Мак.бай»

БЕЛТА