05.04.2024 - 08:48

Прэзідэнт Беларусі Аляксандр Лукашэнка 4 красавіка падпісаў указ нумар 131 «Аб страхаванні ўраджаю сельскагаспадарчых культур, жывёлы і птушкі ў 2024 годзе», паведамілі ў прэс-службе беларускага лідара.

Дакументам зацверджаны пералік сельскагаспадарчых культур, жывёлы і птушкі і страхавыя тарыфы па іх абавязковым страхаванні з дзяржаўнай падтрымкай на бягучы год.

Акрамя таго, устаноўлены працэнты пакрыцця ўрону і затрат на перасяванне ў гэтым годзе пры гібелі сельгаскультур, урону пры гібелі (падзяжы), экстранным забоі (знішчэнні) жывёлы і птушкі.

Указ накіраваны на забеспячэнне страхавой абароны вытворцаў сельскагаспадарчай прадукцыі.

БЕЛТА