Аляксандр Лукашэнка падпісаў закон аб рэспубліканскім бюджэце на 2022 год

Прэзідэнт Беларусі Аляксандр Лукашэнка падпісаў закон «Аб рэспубліканскім бюджэце на 2022 год». Аб гэтым паведамілі ў прэс-службе кіраўніка дзяржавы.

Бюджэт краіны і разліковыя паказчыкі па бюджэтах абласцей і Мінска на 2022 год распрацаваны на аснове палажэнняў праграмных дакументаў па сацыяльна-эканамічным развіцці Беларусі з улікам бягучай эканамічнай сітуацыі. Даходы рэспубліканскага бюджэту на 2022 год прагназуюцца ў суме Br27,8 млрд. Пры гэтым захаваецца сацыяльная накіраванасць расходаў бюджэту - значную іх частку складуць расходы на аплату працы, выплату пенсій, стыпендый, дапамог, іншыя выплаты, а таксама на выкананне дзяржаўных сацыяльных стандартаў.

Падпісаны таксама законы «Аб бюджэце дзяржаўнага пазабюджэтнага фонду сацыяльнай абароны насельніцтва Рэспублікі Беларусь на 2022 год» і «Аб змяненні законаў па пытаннях падаткаабкладання».

Змяненні і дапаўненні ў Падатковы кодэкс арыентаваны пераважна на вырашэнне практычных пытанняў падаткаабкладання, далейшае спрашчэнне парадку вылічэння і выплаты падаткаў і паляпшэнне падатковага адміністравання.

БЕЛТА