Свята «Купалле» («Александрыя збірае сяброў») за 10 гадоў свайго існавання стала яркім сімвалам братэрскай дружбы народаў Беларусі, Расіі і Украіны. Аб гэтым Прэзідэнт Беларусі Аляксандр Лукашэнка заявіў 6 ліпеня на свяце ў Александрыі.
«Многія з вас помняць, якім быў першы форум «Александрыя збірае сяброў» у 2010 годзе. Маленькі і сціплы, зусім як гэта зямля. Але ўжо тады цудоўны ў сваёй самабытнасці. І, як паказаў час, перспектыўны. Фестываль хутка перасягнуў статус рэгіянальнага», - канстатаваў кіраўнік дзяржавы.
У Александрыю з задавальненнем прыязджаюць зоркі эстрады. Тут паказваюць музычныя спектаклі, праходзяць кранальныя дэбюты.
«Абсалютна перакананы: такая незвычайная зацікаўленасць узнікла, таму што на гэтай гасціннай зямлі асабліва праяўляецца феномен сілы прыцягнення малой радзімы і ўсходнеславянскай роднасці, - сказаў Аляксандр Лукашэнка. - Тры нацыі пераплецены гістарычнымі, роднаснымі, духоўнымі каранямі, як тры магутныя дубы на беразе паўнаводнага і шчодрага Дняпра. Вытокі гэтай вялікай ракі пачынаюцца ў Расіі, потым яна нясе свае воды па Беларусі і завяршае шлях у брацкай Украіне. Нібы крывяноснай сістэмай звязвае нас наймацнейшымі вузамі добрасуседства, даверу і адкрытасці. Гэта дадзенае нам звыш адзінства змаглі захаваць народы».
Прэзідэнт адзначыў, што, прыязджаючы ў Александрыю, сваю малую радзіму, адчувае асаблівыя пачуцці. «Пачуццё страшнага хвалявання. Калі ты дасягаеш пэўных вышынь, выбачайце за нясціпласць, становішся вядомым чалавекам, тады прыязджаць дадому, дзе ты нарадзіўся і вырас, і сустракацца сам-насам з людзьмі, якія ведаюць цябе лепш, чым хто-небудзь у свеце, заўсёды не проста хвалююча - гэта страшна хвалююча», - прызнаўся кіраўнік дзяржавы.
Ён выказаў перакананне, што для любога чалавека вельмі важна не страчваць сувязь са сваімі роднымі мясцінамі і людзьмі, якія там жывуць. «Калі ён не страчвае гэтыя пачуцці, значыць, ён чалавек. Калі ён іх страціў і ўзнёсся вельмі высока, забыўшы пра людзей, ён перастае быць чалавекам», - сказаў Прэзідэнт.
Кіраўнік дзяржавы таксама адзначыў, што правядзенню свята ў гэтым годзе спрыяе і надвор'е, хоць у некаторыя гады яно бывала вельмі нядобрым.
Аляксандр Лукашэнка звярнуў увагу, што для многіх маладых людзей, якія нарадзіліся ў вялікіх гарадах, напрыклад у Мінску, паняцце малой радзімы не напоўнена такім сэнсам, як для людзей, якія выраслі ў малых населеных пунктах. «Вось няхай мая малая радзіма будзе вашай малой радзімай», - прапанаваў кіраўнік дзяржавы і запрасіў усіх прыязджаць на свята ў Александрыю.
«Сённяшняе самабытнае свята дапамагае нам усвядоміць сябе адным з важных звёнаў безупыннага ланцужка пакаленняў беларусаў. Перадаць дзецям тое, што нам пакінулі ў спадчыну нашы бацькі. Захаваць нацыянальную самаідэнтычнасць, традыцыі, культуру, а значыць - і сваю родную зямлю», - падкрэсліў ён.
Святам у Александрыі Беларусь прадаўжае трылогію «Малой радзімы» - тэмы, якая знайшла адлюстраванне ў творчасці музыкантаў, якія стварылі альбом «Куточак Беларусі», і натхніла многіх зрабіць што-небудзь карыснае для свайго любімага краю. «Вы бачыце, як прыгажэе родная зямля, становяцца зелянейшымі, больш утульнымі гарады і пасёлкі. Усё зроблена вашымі рукамі. Вы робіце гэта перш за ўсё для сябе, сваіх дзяцей і ўнукаў. Мы разам ствараем нашу Беларусь для жыцця, - сказаў Прэзідэнт. - І нядзіўна, што многія турысты адзначаюць не толькі прыгажосць і чысціню Беларусі, але нават знаходзяць тут нешта сваё. Тое, што нагадвае ім дарагія сэрцу родныя мясціны».
Раней людзі верылі, што, адсвяткаваўшы разам чароўную купальскую ноч, яны пазбавяцца ад розных напасцей і сустрэнуць раніцу абноўленымі, у міры і згодзе, а таму, хто знойдзе «папараць-кветку», адкрыюцца ўсе скарбы зямлі. «Мы ж тут з чыстым сэрцам прапануем кожнаму госцю свае самыя каштоўныя скарбы - культурныя, духоўныя, рамесныя і кулінарныя. І дапаўняем іх славутай беларускай гасціннасцю, якой нідзе ў свеце не знойдзеш. Я гэта гавару не таму, што я тут і гэта мая малая радзіма. Я наведаў усе куткі свету за гэтыя гады, і няма такога гасціннага народа, як беларусы. Гэта наш брэнд, наша асаблівасць, - падкрэсліў Аляксандр Лукашэнка. - Упэўнены: нашы сустрэчы павінны прадаўжацца!».
Пры выкарыстанні матэрыялаў актыўная гіперспасылка на mogilev-region.gov.by абавязковая
02.05.2024 - 16:19
Анатоль Ісачанка - дэпутатам: неабходна выбудоўваць выразную камунікацыю на ўсіх узроўнях
01.05.2024 - 13:55
30.04.2024 - 10:48
29.04.2024 - 13:41
Айчыннымі гатункамі на Магілёўшчыне засеяна 96 працэнтаў пасеваў збожжавых культур