Аляксандр Лукашэнка трымае на асабістым кантролі аднаўленчыя работы па ліквідацыі наступстваў стыхіі

Прэзідэнт Беларусі Аляксандр Лукашэнка трымае на асабістым кантролі ход аднаўленчых работ па ліквідацыі наступстваў стыхіі, якая закранула шэраг рэгіёнаў краіны.

Учора і сёння фактычна да раніцы ў максімальна інтэнсіўным тэмпе пад кантролем кіраўніка дзяржавы праводзіліся ўсе неабходныя мерапрыемствы. Аб сітуацыі дэталёва ўвесь гэты час Прэзідэнту дакладвалі віцэ-прэм'ер Анатоль Сівак, старшыні Магілёўскага, Мінскага аблвыканкамаў і найбольш падрабязна - Гомельскага. Менавіта сітуацыі ў Гомельскай вобласці, якая больш за ўсіх пацярпела ад удару стыхіі, была нададзена асаблівая ўвага.

Прэзідэнтам былі дадзены неабходныя даручэнні па аператыўным устраненні наступстваў непагадзі кіраўнікам шэрага міністэрстваў і ведамстваў, а таксама першаму віцэ-прэм'еру Мікалаю Снапкову і віцэ-прэм'ерам Анатолю Сіваку і Пятру Пархомчыку. Яны ў пастаянным рэжыме былі на сувязі з кіраўніком дзяржавы з дакладамі аб ходзе работ на месцах, выкананні даручэнняў.

Анатолю Сіваку кіраўніком дзяржавы было даручана да раніцы 16 ліпеня забяспечыць разбор завалаў, якія ўтварыліся, аднавіць работу ўсёй інфраструктуры і сістэм жыццезабеспячэння насельніцтва. Раніцай 16 ліпеня - аператыўна далажыць аб сітуацыі.

Як і было даручана, у мінулыя суткі брыгады энергетыкаў, спецыялістаў лясной гаспадаркі і іншых галін былі максімальна мабілізаваны і задзейнічаны ў поўным аб'ёме, і па стану на раніцу сённяшняга дня віцэ-прэм'ер Анатоль Сівак далажыў Прэзідэнту аб завяршэнні асноўных работ. Выканана задача па запуску генерацыі (Мазырскай ЦЭЦ) і высакавольтных ліній, якія забяспечваюць раёны. Цяпер ідзе работа па падключэнню вытворчых і жылых аб'ектаў.

Аляксандрам Лукашэнкам таксама прынята рашэнне аб перадачы ўсяго пашкоджанага лесу ў распараджэнне кіраўнікоў аблвыканкамаў.

Прэзідэнт асабліва падкрэсліў гераічную работу тых, хто ліквідаваў наступствы стыхіі, у тым ліку энергетыкаў, спецыялістаў лясной гаспадаркі, і прасіў перадаць падзяку ўсім, хто браў удзел у вельмі цяжкай рабоце па ліквідацыі наступстваў стыхіі.

БЕЛТА