29.09.2023 - 12:53

Прэзідэнт Беларусі Аляксандр Лукашэнка ў час наведвання Бялыніцкага раёна пабываў на малочнатаварным комплексе «Лямніца» СВК «Калгас «Радзіма».

Тыдзень таму ў Салігорску кіраўнік дзяржавы прыняў удзел у пленарным пасяджэнні рэспубліканскага семінара-нарады аб развіцці жывёлагадоўлі. Тады Прэзідэнт заявіў, што ў яго ў планах - падрабязна азнаёміцца з адкормам буйной рагатай жывёлы. У прыклад ён прывёў працу СВК «Калгас «Радзіма» ў Бялыніцкім раёне, дзе выпрацавана эфектыўная сістэма.

Сёння, наведаўшы малочнатаварны комплекс «Лямніца» гэтай гаспадаркі і азнаёміўшыся з арганізацыяй вытворчасці малака і вырошчвання цялушак, кіраўнік дзяржавы застаўся задаволены ўбачаным. «Гэта самае лепшае памяшканне для жывёлы», - падкрэсліў ён.

У чым жа сакрэт гэтага кароўніка? Будавалі яго ў гаспадарцы саматугам. Выглядае ён проста, але ў той жа час надзейна: бетонныя падлогі, металічныя канструкцыі, драўляныя сцены і шыфер на даху.

Як далажыў старшыня СВК Алег Лапацентаў, у рэканструкцыю ўсяго малочнатаварнага комплексу сельгаскааператыў уклаў Br2,7 млн., у тым ліку ў рэканструкцыю трох кароўнікаў - каля Br1 млн. Для параўнання, у Мінскай вобласці будуюць малочнатаварныя комплексы за Br5-6 млн. Праўда, гэта з улікам абсталявання.
 
«Вось. Нічога не трэба выдумляць. Імем рэвалюцыі трэба гэта будаваць, - заявіў Аляксандр Лукашэнка. - Гэта тое, што нам сёння трэба, каб вывесці з адрын жывёлу ў такія памяшканні. Закочваць у жалезабетон - гэта ж каласальныя выдаткі».

БЕЛТА