Драйверам росту эканомікі з'яўляецца міжрэгіянальнае супрацоўніцтва, а Форум рэгіёнаў Беларусі і Расіі - ідэальная пляцоўка для ўстанаўлення двухбаковага ўзаемадзеяння. Аб гэтым журналістам расказаў старшыня Магілёўскага аблвыканкама Анатоль Ісачанка.
«Магілёўская вобласць падпісала дамовы аб супрацоўніцтве з 38 рэгіёнамі Расейскай Федэрацыі. Калі сказаць у абсалютных лічбах, то тры гады таму тавараабарот быў 134 млрд расейскіх рублёў, сёння - 245 млрд. Лічбы кажуць пра дынаміку нашых сумесных праектаў», - распавёў Анатоль Ісачанка.
Ён падкрэсліў, што ў Магілёўшчыны ёсць нямала ўжо рэалізаваных сумесных праектаў з расійскімі рэгіёнамі, а таксама новыя задумкі, ідэі, над якімі трэба працаваць. «Драйверам росту з'яўляецца міжрэгіянальнае супрацоўніцтва, а Форум рэгіёнаў - гэта менавіта тая пляцоўка, якая з'яўляецца стартам для нашых адносін, дзе мы сустракаемся з нашымі калегамі, маем зносіны, напрацоўваем шляхі і падыходы па стварэнні сумесных праектаў. Далей працуюць бізнэс, прадпрыемствы, таму, на мой погляд, гэта ідэальная пляцоўка для міжрэгіянальнага ўзаемадзеяння», - падзяліўся Анатоль Ісачанка.
XI Форум рэгіёнаў Беларусі і Расіі на тэму «Роля міжрэгіянальнага супрацоўніцтва ў пабудове інавацыйнай эканомікі Саюзнай дзяржавы» праходзіць 27-28 чэрвеня ў Віцебску, Полацку і Наваполацку. Арганізатарамі мерапрыемства выступаюць Савет Рэспублікі Нацыянальнага сходу Беларусі і Савет Федэрацыі Федэральнага сходу Расіі.
БЕЛТА, фота mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая
27.06.2024 - 17:17
Анатоль Ісачанка: усіх гэтых людзей аб'ядноўвае любоў да сваёй радзімы і высокае пачуццё патрыятызму
26.06.2024 - 14:30
22.06.2024 - 07:57