Анатоль Ісачанка: інвестыцыі - аснова развіцця рэгіёнаў і за гэта будзе асаблівы запыт

Пасяджэнне Магілёўскага абласнога выканаўчага камітэта аб выніках сацыяльна-эканамічнага развіцця і выкананні бюджэту вобласці за 2023 год правёў сёння старшыня аблвыканкама Анатоль Ісачанка. Удзел у ім прынялі намеснік прэм'ер-міністра Анатоль Сівак, памочнік Прэзідэнта - інспектар па Магілёўскай вобласці Леанід Мартынюк, намеснік міністра эканомікі Рэспублікі Беларусь Андрэй Картун, інспектар па Магілёўскай вобласці ўпраўлення рэгіянальнага развіцця Апарату Савета міністраў Дзяніс Сінельнікаў, старшыня Магілёўскага абласнога Савета дэпутатаў Ірына Раінчык, члены выканкама, члены Савета Рэспублікі Нацыянальнага сходу Рэспублікі Беларусь, дэпутаты Палаты прадстаўнікоў Нацыянальнага сходу Рэспублікі Беларусь, а таксама старшыні гаррайвыканкамаў і гаррайсаветаў, кіраўнікі адміністрацый раёнаў у гарадах Магілёў і Бабруйск, прадстаўнікі кантрольна-наглядных органаў, структурных падраздзяленняў аблвыканкама, кіраўнікі ўстаноў арганізацый вобласці, дэпутаты абласнога Савета дэпутатаў, прадстаўнікі грамадскіх аб'яднанняў.

Як адзначыў Анатоль Ісачанка, за 2023 год выкананы чатыры з васьмі мэтавых паказчыкаў матрыцы задач: «Гэта сукупныя паступленні даходаў кансалідаванага бюджэту вобласці - 123,5 працэнта (пры заданні 108,3 працэнта), увод у эксплуатацыю агульнай плошчы жылых дамоў - 334 тыс. кв.м (пры заданні - 320), аб'ём вытворчасці імпартазамяшчальных тавараў - $ 967 млн (што на $147 млн больш за заданне), намінальная налічаная сярэднямесячная заработная плата - фактычны тэмп росту 119,2% (пры заданні 115,9%). Перавышаны ўзровень 2022 года па валавым рэгіянальным прадукце - тэмп росту склаў 101,6 працэнта (аднак заданне 103,4 працэнта - не дасягнута). Прамысловы комплекс спрацаваў з тэмпам 101,7 працэнта. Значна выраслі аб'ёмы ў будаўнічым сектары, забяспечана дадатная дынаміка ў сельскай гаспадарцы. За кошт падзення аптовага тавараабароту ніжэй за ўзровень 2022 года спрацавала сфера гандлю, не дацягнулі па інвестыцыях: у 2023 годзе асвоена амаль Br3 млрд у асноўны капітал, у супастаўных цэнах - 115,5 працэнта да ўзроўню 2022 года (пры заданні - 120,2 працэнта) ».

Старшыня аблвыканкама падкрэсліў, што некаторыя рэгіёны значна перавысілі сярэдні абласны ўзровень. Пры гэтым дэталёвы разгляд структуры інвестыцый паказвае, што ў ёй пераважае бюджэт, ёсць і выпадкі няпоўнага асваення выдзеленых рэсурсаў. Ён у чарговы раз нагадаў: «Інвестыцыі - гэта аснова. Нам жыццёва неабходна развіваць рэгіёны і зрабіць гэта мы можам толькі праз інвэстыцыі. І тут, нажаль, праца вядзецца не ў поўнай меры. Недастаткова актыўна на месцах выступаюць з ініцыятывамі і прапановамі. Паўтараю - давайце прапановы, а фінансаванне - гэта наша задача. Я гатовы сустракацца з кожным і наўпрост агаворваць усе пытанні. За гэта ў бягучым годзе будзе асаблівы запыт, нам трэба гэты напрамак узмацніць».

Таксама губернатар пазначыў, што неабходна значна нарошчваць аб'ёмы вытворчасці ў прамысловым комплексе, не дапускаючы пры гэтым працы на склад: «Падкрэслю - значна. Таму што сфарміраваная па выніках 2023 года па большасці прадпрыемстваў база невысокая. Тое, што сёння ў некаторых ёсць рост, не гаворыць аб тым, што мы сталі значна лепш працаваць. На асаблівым кантролі павінна знаходзіцца работа такіх прадпрыемстваў, як «Магілёўхімвалакно», «Бабруйскаграмаш», «ФанДАК», «Магілёўдрэў». У 2023 годзе назіралася істотнае зніжэнне эфектыўнасці іх працы».

За мінулы год, па словах Анатоля Ісачанкі, пэўны рост прадэманстравала сельскую гаспадарку: «Намецілася тэндэнцыя да паляпшэння, трэба спрацаваць і сёлета. У вобласці ўсё неабходнае для гэтага ёсць. Усё залежыць ад працы на месцах. Паўтаруся - матэрыяльныя рэсурсы ёсць. Трэба толькі працаваць - выконваць тэхналогію, павялічваць вытворчасць, - працягнуў ён. - Перад будаўнічым комплексам стаіць мэта па асваенні сродкаў у рамках дзяржінвестпраграм і інвестпраграмы вобласці, а таксама ўвод жылля.

Наша задача ў гэтым годзе - выканаць усе даведзеныя ўрадам заданні. Гэта не проста лічбы. За імі крыецца і напаўненне бюджэту, і заработная плата, і вырашэнне многіх сацыяльных пытанняў».

У завяршэнне свайго выступу Анатоль Ісачанка нагадаў, што зусім хутка адбудзецца важная палітычная падзея – Адзіны дзень галасавання: «Нашы грамадзяне будуць рабіць выбар, які шмат у чым вызначыць далейшую перспектыву паступальнага развіцця краіны. Гэта іспыт на сталасць для ўсіх органаў дзяржаўнай улады і кіраўнікоў на месцах. Я перакананы, што мы зможам не толькі дастойна правесці выбарчую кампанію, але і забяспечыць дынамічны рост ва ўсіх сферах эканомікі».

Юлія Таранава, фота Галіны Гаўрыловіч