Анатоль Ісачанка: мы гатовы падтрымаць любыя праекты, якія накіраваны на рэалізацыю дасягнутых дамоўленасцей узаемавыгадна як для горада Цяньцзінь, так для Магілёўскай вобласці.

Старшыня Магілёўскага аблвыканкама Анатоль Ісачанка сустрэўся сёння з дэлегацыяй горада Цяньцзінь (КНР) на чале з намеснікам мэра Муніцыпальнага народнага ўрада Цяньцзіня сп. Чжан Лін. Удзел у сустрэчы таксама прыняў памочнік Прэзідэнта - інспектар па Магілёўскай вобласці Леанід Мартынюк, старшыня Маггарвыканкама Аляксандр Студнеў, намеснікі старшыні і кіраўнікі структурных падраздзяленняў аблвыканкама, іншыя запрошаныя.

Дэлегацыя з Кітая наведвае Прыдняпроўскі край у рамках правядзення Тыдня горада Цяньцзінь у Магілёўскай вобласці 24-27 чэрвеня.

Кітай уваходзіць у пяцёрку асноўных гандлёвых партнёраў Магілёўскай вобласці, у тым ліку ў знешнегандлёвым абароце краіна займае 2-е месца пасля Расійскай Федэрацыі, у экспарце - 4-е (пасля Расійскай Федэрацыі, Польшчы і Казахстана).

У студзені - красавіку 2024 года тавараабарот паміж Магілёўскай вобласцю і Кітаем склаў $57,4 млн (тэмп росту 102,2% да аналагічнага перыяду 2023 года), экспарт - $14,4 млн (тэмп 71,7%), імпарт - $43,0 млн (тэмп росту 119,2%). Асноўнымі экспартнымі пазіцыямі ў студзені-красавіку бягучага года з'яўляліся: мяса птушкі, пліты драўнянастружкавыя, ялавічына, малочная сыроватка, вуглярод, лён і інш. Аснову імпарту з КНР склалі таварныя пазіцыі: палімеры акрылавыя, ніткі комплексныя сінтэтычныя, клей і клеючыя рэчывы паддоны для металаліцейнай вытворчасці, трансфарматары электрычныя, бытавыя электрапрыборы, аўтамабілі легкавыя і інш. Цяпер дазвол на пастаўку прадукцыі ў Кітай маюць тры прадпрыемствы вобласці: ААТ «Бабулін гладыш», ААТ «Магілёўскі мясакамбінат», ААТ «Бабруйскі мясакамбінат». Экспарт паслуг за студзень-красавік 2024 г. склаў $867,5 тыс. (тэмп росту - 193,1%). Аснову экспарту склалі паслугі адукацыі, удзельная вага якіх склала 80,8%.

На ўзроўні гарадоў і раёнаў Магілёўскай вобласці з рэгіёнамі Кітая заключана больш за 10 дакументаў міжнароднага характару. У прыватнасці, з горадам Цяньцзінь пагадненне аб устанаўленні адносін дружалюбнага абмену і супрацоўніцтва было падпісана ў маі 2019 года.

«Сустрэчы з партнёрамі заўсёды важныя. У нас добрыя адносіны з горадам Цяньцзінь, мы супрацоўнічаем ужо шмат гадоў. І за гэты час паміж рэгіёнамі склаліся цёплыя сяброўскія адносіны, - падкрэсліў Анатоль Ісачанка. - У мінулым годзе мы праводзілі дні Магілёўскай вобласці ў горадзе Цяньцзінь Лічу, што ў нас усё атрымалася: праведзены сумесны канцэрт, адбыліся дзелавыя сустрэчы, B2B перамовы, было напрацавана шмат планаў, праектаў. Сёння яны наведваюць нас вялікай дэлегацыяй. І мы таксама праводзім бізнес-форум, сустрэчы рознага ўзроўню. Дарэчы, у бізнес-форуме прыме ўдзел каля дваццаці кампаній з Кітайскай Народнай Рэспублікі, горада Цяньцзінь, яшчэ каля сямідзесяці кампаній прадставяць нашу краіну. Я думаю, гэта вельмі важна - гэта дасць магчымасць зносін напрамую, дзе можна прадставіць і свае інтарэсы, і пачуць партнёраў, калег у будучыні. А таксама знайсці шляхі сумеснага ўзаемадзеяння. Самае галоўнае, што і кіраўніцтва горада Цяньцзінь, і кіраўніцтва Магілёўскай вобласці - мы гатовы падтрымаць любыя праекты, якія накіраваны на рэалізацыю дасягнутых дамоўленасцей узаемавыгадна як для горада Цяньцзінь, так для Магілёўскай вобласці. І самае важнае, каб гэта было значна для нашых людзей».

Як адзначыла ў сваю чаргу спадарыня Чжан Лін, для сапраўднага сяброўства няма адлегласцяў і калі бакі дасягнулі ў гэтым паразумення, то нічога не перашкодзіць ім выбудоўваць моцныя партнёрскія адносіны.

«Я ўпершыню ў складзе дэлегацыі наведваю Магілёўскую вобласць, але ў мяне ўжо ўзніклі вельмі цёплыя пачуцці: сардэчны прыём, найпрыгажэйшыя пейзажы, прыемныя знаёмствы і зносіны, – падзялілася сп. Чжан Лін. - Сёння мы яшчэ раз падкрэслілі тыя дасягненні, якія ўжо ёсць у супрацоўніцтве паміж нашымі краінамі. І мы настроены на прасоўванне і далейшае ўмацаванне нашых сувязей.

З моманту ўстанаўлення паміж нашымі рэгіёнамі ў 2019 годзе і па сёння мы вельмі шчыльна і цесна наладжваем супрацоўніцтва па многіх напрамках. У прыватнасці, хочацца адзначыць мінулы год, калі ў Цяньцзінь прайшлі Дні Магілёўскай вобласці, у якіх прыняў удзел губернатар. Тады быў падпісаны шэраг пагадненняў аб супрацоўніцтве, праведзены шэраг мерапрыемстваў па ўзаемадзеянні ў сферы культуры, турызму, адукацыі, эканомікі, гандлю, маладзёжнага абмену. І гэтыя мерапрыемствы пакінулі глыбокія ўражанні.

Цяпер мы праводзім Тыдзень горада Цяньцзінь у Магілёўскай вобласці, мерапрыемствы якога накіраваны на далейшае паглыбленне супрацоўніцтва».

Кіраўнік кітайскай дэлегацыі выказала ўпэўненасць, што запланаваныя мерапрыемствы прынясуць плённыя вынікі. І адзначыла, што Цяньцзінь - буйны партовы горад, важны лагістычны вузел маршруту Кітай-Еўропа.

«Тут наладжаны цэласны вытворчы ланцужок па розных галінах. Таксама Цяньцзінь мае шырокія адукацыйныя рэсурсы – больш за 100 навукова-даследчых устаноў дзяржаўнага ўзроўню, больш за 50 ВНУ. Гэта адзін з перспектыўных напрамкаў супрацоўніцтва, дзе мы маглі б наладжваць адукацыйны абмен у больш цесным ключы, - падкрэсліла яна. - Таксама варта адзначыць наш багаты турыстычны патэнцыял - з перапляценнем рознага віду культур. Падагульняючы, можна сказаць, што Цяньзінь прывабны для вядзення бізнесу, развіцця турызму, навучання.

Мы нацэлены на працяг, паглыбленне і развіццё нашых дружалюбных, пабрацімскіх адносін. За пяць гадоў для гэтага закладзена добрая аснова. Спадзяемся, з дапамогай гэтага візіту ў тым ліку, мы працягнем ісці ў гэтым напрамку і рэалізоўваць намечаную праграму. І зробім сумесны уклад у будаўніцтва «аднаго пояса – аднаго шляху» і ў практычнай плоскасці будзем працягваць нашу працу, накіраваную на паляпшэнне дабрабыту нашых народаў».

Прадстаўнікі Кітайскай Народнай Рэспублікі абазначылі зацікаўленасць у прадаўжэнні гандлёва-эканамічнага партнёрства, рэалізацыі канкрэтных прапаноў і праектаў у аграпрамысловай сферы, наладжвання ўзаемадзеяння ў адукацыйнай і навуковай сферы, умацаванні супрацоўніцтва ў сферы спорту, турызму і іншых напрамках.

Вынікам сустрэчы стала цырымонія падпісання афіцыйных дакументаў. Так, бакі зацвердзілі Дарожную карту па развіццю супрацоўніцтва горада Магілёва (Рэспубліка Беларусь) і новага раёна Біньхай (горад Цяньцзінь, Кітайская Народная Рэспубліка) у галінах эканомікі, гандлю, культуры, адукацыі, турызму на 2024-2025 гады, пагадненне паміж Адміністрацыйным камітэтам партовай зоны. свабоднага гандлю горада Цяньцзінь Кітайскай Народнай Рэспублікі і Адміністрацыяй свабоднай эканамічнай зоны «Магілёў» Рэспублікі Беларусь, а таксама пагадненне аб супрацоўніцтве паміж Цяньцзіньскім музеем і ўстановай культуры «Магілёўскі абласны мастацкі музей імя П.У. Масленікава».

Далей на працягу дня дэлегацыя прыняла ўдзел ва ўрачыстым адкрыцці выставы фота, народных рамёстваў і нематэрыяльнай культурнай спадчыны «Усходняя Элегантнасць», афіцыйнай цырымоніі адкрыцця Тыдня горада Цяньцзінь у Магілёўскай вобласці і рэгіянальнага беларуска-кітайскага бізнес-форуму «Магілёўская вобласць і горад Цяньцзінь: 5 гадоў супрацоўніцтва», працы выставы кітайскай прадукцыі арганізацый горада Цяньцзінь, а таксама – В2В перамовах.