02.02.2023 - 14:31

Старшыня Магілёўскага аблвыканкама Анатоль Ісачанка правёў сёння абласную нараду па пытанню развіцця турыстычнай галіны рэгіёну.

Кіраўнік рэгіёну адзначыў, што для развіцця турызму ў Прыдняпроўскім краі ёсць усё неабходнае.

Паводле слоў Анатоля Ісачанкі, у рэгіёне існуе вялікі патэнцыял для развіцця турыстычнай галіны: паспяхова развіваецца вытворчы турызм, экатурызм, пазнавальны і гастранамічны турызм і шмат іншых напрамкаў.

Сёння на нарадзе дэталёва разабралі ўсе напрамкі галіны. Па кожным з іх пастаўлены канкрэтныя задачы.

Завяршаючы сустрэчу, Анатоль Ісачанка падкрэсліў, што ўсім, хто мае дачыненне да турыстычнай галіны, ёсць куды імкнуцца. У сваю чаргу кіраўніцтва рэгіёна гатова падтрымаць канкрэтныя прапановы і пачынанні.

Па матэрыялах mogilevnews.by