05.11.2025 - 16:12

Рэспубліканскі інстытут кантролю ведаў апублікаваў спецыфікацыі экзаменацыйных (тэставых) работ для правядзення цэнтралізаванага экзамену (ЦЭ) і цэнтралізаванага тэсціравання (ЦТ) у 2026 годзе. Пра гэта паведамілі ва ўстанове.

У спецыфікацыях можна даведацца аб структуры кожнага тэста, тыпах заданняў, іх колькасці, узроўнях складанасці, а таксама аб праграмным матэрыяле, які будзе правярацца на экзамене і тэсціраванні.

«Гэта аснова для падрыхтоўкі да цэнтралізаваных іспытаў. Выпускнікі могуць браць спецыфікацыі за арыенцір», - адзначылі ў РІКВ і парэкамендавалі будучым абітурыентам не губляць ні дня.

БЕЛТА