26.04.2023 - 10:13

Больш чым утрая ў параўнанні з аналагічным леташнім перыядам павялічыла адгрузку тэхнікі на ўнутраны рынак ААТ «УКБ «Бабруйскаграмаш». Аб'ём адгружаных машын, паведамілі на прадпрыемстве, у грашовым выражэнні склаў амаль 21 мільён рублёў. Асаблівым попытам у беларускіх аграрыяў карыстаюцца размеркавальнікі мінеральных угнаенняў, машыны для ўнясення цвёрдых і вадкіх арганічных угнаенняў.

Да канца года «Бабруйскаграмаш» выведзе на рынак Беларусі больш за 15 навінак, якія дазволяць аграрыям хутка і якасна дасягаць пастаўленых мэт. Высокі попыт на прадукцыю «Бабруйскаграмаша» пацвярджае статус прадпрыемства як вядучага вытворцы паўпрычэпнай і навясной сельскагаспадарчай тэхнікі, а таксама тое, што яна адпавядае сучасным патрабаванням.

 mogilevnews.by