16.05.2025 - 09:36

Баранавіцкі рэгіён стаў месцам правядзення выязнога практычнага семінара для кадравага рэзерву Магілёўскага аблвыканкама на замяшчэнне кіруючых пасад, уключаных у кадравы рэестр кіраўніка дзяржавы.

З традыцыйным караваем удзельнікаў семінара на мяжы Брэсцкай вобласці, ля сімвала першага рэгіёну – скульптуры Зубра, сустракалі кіраўнікі горада Баранавічы і Баранавіцкага раёна Максім Антанюк і Раман Жук.

Першым пунктам у праграме семінара стаў круглы стол, падчас якога кіраўніцтва Баранавіцкага рэгіёна і госці з Магілёўскай вобласці абмеркавалі пытанні сацыяльна-эканамічнага развіцця рэгіёнаў, а таксама ўдасканаленне кіраўніцкіх ведаў і навыкаў.

Як гэта адбываецца на практыцы, удзельнікі семінара даведаюцца падчас наведвання перадавых прадпрыемстваў і ўстаноў Баранавіцкага рэгіёна.

baranovichi-gik.gov.by/ru