«Белнафтахім» у першым паўгоддзі завяршыў будаўніцтва нафтаправода «Гомель–Горкі»

Канцэрн «Белнафтахім» у першым паўгоддзі 2022-га завяршыў рэалізацыю некалькіх інвестпраектаў, у тым ліку па будаўніцтве магістральнага нафтаправода «Гомель–Горкі». Пра гэта гаварылася на пасяджэнні савета канцэрна.

Нагадаем, будаўніцтва нафтаправоду працягласцю 207 кіламетраў пачалі восенню 2020 года. Трубы пракладваліся па тэрыторыі трох раёнаў Гомельскай вобласці, а таксама Чэрыкаўскага, Слаўгарадскага і Крычаўскага раёнаў Магілёўшчыны. Пад Горкамі трубаправод далучыўся да дзеючай нафтавай магістралі «Унеча–Полацк».

Нафтаправод «Гомель–Горкі» будзе перапампоўваць сыравіну паміж Наваполацкім і Мазырскім перапрацоўчымі заводамі, транспартаваць беларускую нафту, якую здабываюць у Рэчыцкім раёне Гомельскай вобласці.

 mogilevnews.by