Білеты на фестывальныя мерапрыемствы «Анімаёўка-2025» ужо ў продажы

Білеты на фестывальныя мерапрыемствы «Анімаёўка-2025» можна набыць на сайце mogilevkino.by і ў касах кінатэатраў горада. Пра гэта распавялі ў Магілёўскім дзяржаўным прадпрыемстве «Кінавідэапракат».

Нагадаем, што з 24 па 26 верасня ў горадзе Магілёве і Магілёўскай вобласці пройдзе XXVIII Міжнародны фестываль анімацыйных фільмаў «Анімаёўка-2025».

Магіляўчан і гасцей горада запрашаюць пазнаёміцца з новымі работамі айчынных і сусветных аніматараў.

У фестывальныя дні запланаваны паказы конкурсных і фестывальных праграм анімацыйных фільмаў, фільмаў-пераможцаў фестывалю, творчыя сустрэчы, фан-сустрэчы, майстар-класы.

Усе пытанні па тэме можна задаць па тэлефонах: 8 (0222) 42-41-97 – кінатэатр «Космас», 8 (0222) 42-19-49 – кінатэатр «Радзіма», 8 (0222) 76-30-74 – кінатэатр «Чырвоная Зорка».

Рэд.