Другі міжнародны конкурс вакальнага-харавога мастацтва ім. І.М. Лучанка збярэ ў Магілёве 28 сакавіка больш за 2 тыс. удзельнікаў. Пра гэта расказалі ў Магілёўскай дзіцячай школе мастацтваў нумар 1 ім. І.М. Лучанка.
Удзельнікамі конкурсу стануць выканаўцы і калектывы з Беларусі і Расіі ў двух фарматах: вочна і завочна. Выступаць будуць сольна, у складзе ансамбляў і харавых калектываў у эстрадным, акадэмічным і народным вакале.
Ацэньваць канкурсантаў будзе кампетэнтнае журы: вядучыя дзеячы сферы культуры Рэспублікі Беларусь і Расійскай Федэрацыі, заслужаныя артысты, выкладчыкі вышэйшых і сярэдніх спецыяльных навучальных устаноў краіны.
Праходзіць творчае спаборніцтва будзе ў Магілёўскай дзіцячай школе мастацтваў нумар 1 імя І.М. Лучанка. Як адзначылі арганізатары, галоўная задача конкурсу - выяўленне і падтрымка таленавітых дзяцей, папулярызацыя вакальна-харавога мастацтва і павышэнне выканальніцкага майстэрства. Арганізатарамі конкурсу выступаюць Магілёўскі гарадскі выканаўчы камітэт, упраўленне культуры Магілёўскага гарадскога выканаўчага камітэта, Магілёўская дзіцячая школа мастацтваў №1 ім. І.М. Лучанка.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 09:27
12.07.2024 - 09:25
Ансамблі фальклорнай і народнай песні выступяць на рэгіянальным конкурсе ў Чэрыкаўскім раёне
08.07.2024 - 14:55
06.07.2024 - 18:14
Анатоль Маркевіч на свяце «Купалле»: толькі ў адзінстве мы можам тварыць і ствараць