У Магілёве на кірмашы вакансій 13 ліпеня суіскальнікам прапануюць больш за 500 працоўных месцаў. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.
У кірмашы прымуць удзел некалькі дзясяткаў буйных прадпрыемстваў і арганізацый абласнога цэнтра, у тым ліку ААТ «Стужка», ЖРЭУ Ленінскага раёна Магілёва, Булачна-кандытарская кампанія «Дамачай», ААТ «Магатэкс», моладзевы цэнтр «Штаб студэнцкіх атрадаў», гасцініца «Магілёў», Магілёўскі філіял «Белпошта», «Магілёўліфтмаш», «Зеніт», «Ольса». Усяго будзе прадстаўлена больш за 500 вакансій.
Мерапрыемства адбудзецца ва ўпраўленні па працы, занятасці і сацыяльнай абароне гарвыканкама па вул.Касманаўтаў, 17. Наведаць кірмаш можна будзе з 11.00 да 12.00.
БЕЛТА
