«Буду галасаваць за захаванне ўсяго, чаго Беларусь ужо дасягнула, і прымнажэнне – эвалюцыйным шляхам». Меркаванне

Старшыня Беларускага аб’яднання саюза афіцэраў інжынерных войскаў Магілёўскай вобласці, ветэран інжынерных войскаў гвардыі палкоўнік у адстаўцы Сяргей Нос:

– Напярэдадні рэферэндуму мне хочацца, каб кожны добра падумаў, за што ён галасуе. За нейкія прывідныя «аблокі» або за спакой і стабільнасць.

З вышыні сваіх гадоў магу ўпэўнена сказаць, што лепш мець сініцу ў руках, чым павесціся на прывідныя салодкія абяцанні. Мы зараз жывём вельмі добра, і давайце гэта шанаваць. Хочаш вучыцца – вучыся, хочаш працаваць – працуй і атрымлівай зарплату.

Асабіста я буду галасаваць за тое, каб захаваць усё, чаго Беларусь ужо дасягнула, і паступова гэта прымнажаць – мірным, эвалюцыйным шляхам. На рэферэндуме выкажуся за тое, каб у нашай любімай краіне было ціха і добра, каб нашы дзеці і ўнукі не баяліся выйсці на вуліцу. Стабільнасць – самае дарагое, што ёсць у чалавека!

СБ