Бюджэт пражытачнага мінімуму павышаецца ў Беларусі з 1 жніўня

Памеры бюджэту пражытачнага мінімуму павялічваюцца з 1 жніўня, паведамляе Міністэрства працы і сацыяльнай абароны.

Памеры бюджэту пражытачнага мінімуму ў сярэднім на душу насельніцтва і па асноўных сацыяльна-дэмаграфічных групах зацверджаны пастановай Міністэрства працы і сацыяльнай абароны на перыяд з 1 жніўня да 31 кастрычніка 2025 года.

Так, БПМ у сярэднім на душу насельніцтва ўстаноўлены ў памеры Br487,72. Гэта на 5,4% вышэй у параўнанні з нарматывам, які дзейнічае з 1 мая па 31 ліпеня 2025 года.

Памер бюджэту пражытачнага мінімуму для працаздольнага насельніцтва ўстаноўлены на ўзроўні Br523,92, пенсіянераў - Br357,03, дзяцей да 3 гадоў - Br301,5, дзяцей ад трох да шасці гадоў - Br406,1, ад шасці да 18 гадоў - Br476,97.

• Памеры дзярждапамог сем'ям з дзецьмі павялічваюцца з 1 жніўня
• Які памер аднаразовай матэрыяльнай дапамогі на школьнікаў са шматдзетных сем'яў, распавялі ў Мінпрацы
• «Узроставыя» даплаты да пенсій павялічацца ў Беларусі з 1 жніўня

БЕЛТА