Бюджэт вобласці на 2023 год зацверджаны на сесіі абласнога Савета дэпутатаў

Чарговая сорак трэцяя сесія Магілёўскага абласнога Савета дэпутатаў адбылася сёння пры ўдзеле старшыні Магілёўскага аблвыканкама Анатоля Ісачанкі, Памочніка прэзідэнта – інспектара па Магілёўскай вобласці Леаніда Мартынюка.

На парадку дня – каля сарака пытанняў, сярод ключавых «Аб асноўных паказчыках прагнозу сацыяльна-эканамічнага развіцця Магілёўскай вобласці на 2023 год», «Аб абласным бюджэце на 2023 год», «Аб зацвярджэнні інвестыцыйнай праграмы Магілёўскай вобласці на 2023–2025 гады», «Аб плане работы Магілёўскага абласнога Савета дэпутатаў на 2023 год», змяненні шэрагу рашэнняў абласнога Савета дэпутатаў і інш.

У межах сесіі дэпутаты абласнога савета прынялі бюджэт вобласці, у наступным годзе ён складзе каля Br2,5 млрд.

«У даным бюджэце таксама зацверджана лічба па інвестыцыйнай праграме, якая складзе на 2023 год толькі па абласным бюджэце Br204 млн. У цэлым па бюджэце вобласці інвестпраграма на наступны год плануецца ў суме Br233 млн (у 2022 годзе – каля Br206 млн), – растлумачыў падчас размовы з журналістамі начальнік галоўнага фінансавага ўпраўлення аблвыканкама Юрый Ільюшчыц. – Ужо прапрацавана пытанне па яе павелічэнні за кошт эмісійных даходных крыніц – выпуску каштоўных папер, што дадаткова павялічыць суму прыблізна на Br175 млн. Таксама ў прапрацоўцы знаходзіцца пытанне па прывабліванні крэдытных рэсурсаў Банка развіцця Рэспублікі Беларусь.

Акрамя таго, з навін па 2023 годзе прадугледжаны шэраг напрамкаў міжбюджэтных трансфертаў. Гэта сведчыць аб тым, што ў цэлым у наступным годзе напрамкі па сацыяльнай сферы будуць прафінансаваны з аб’ёмам каля 117% вышэй, чым у бягучым годзе».

Юлія Таранава, фота Галіны Гаўрыловіч