Чырвоны ўзровень небяспекі ў Магілёве (відэа)

13 ліпеня сіноптыкі аб’яўляюць аранжавы ўзровень небяспекі па ўсёй Магілёўскай вобласці. А ў Магілёве — чырвоны.

Паводле прагнозу сіноптыкаў, у аўторак–сонечна, вецер слабы, днём тэмпературны фон +30, +34, месцамі да +36 градусаў.

Медыкі нагадваюць аб неабходнасці захавання мер засцярогі: без неабходнасці не знаходзіцца доўга на сонцы, піць больш вады і насіць галаўныя ўборы.

У сераду таксама чакаецца гарачае надвор’е. У чацвер магчымы кароткачасовы дождж, але ў пятніцу зноў без ападкаў і да +36 градусаў. У канцы тыдня па вобласці прагназуюцца кароткачасовыя дажджы, але пры даволі высокіх тэмпературах паветра – больш за +30.

ТРК «Магілёў»