05.10.2023 - 09:38

Аб'яўлены конкурс на лепшыя лагатып, слоган і плакат да 100-годдзя з дня ўтварэння Магілёўскага раёна. Заяўку на ўдзел у адной з трох намінацый можна падаць да 1 снежня, расказалі ў мясцовым райвыканкаме.

Удзельнікамі конкурсу могуць стаць усе ахвочыя. Іх работы будуць ацэньвацца па некалькіх крытэрыях - ад тэматычнай адпаведнасці мэтам і задачам конкурсу да крэатыўнасці, арыгінальнасці і навізны ідэі. Лагатыпы, плакаты і слоганы прымаюцца камісіяй у электронным выглядзе. Пераможцы атрымаюць прызы і дыпломы.

Арганізатарамі творчага спаборніцтва выступілі аддзел ідэалагічнай работы і па справах моладзі Магілёўскага райвыканкама, раённая арганізацыя РГА «Белая Русь», а таксама раённыя камітэты галіновых прафсаюзаў

БЕЛТА