21.09.2023 - 16:03

Акцыю ЗЛЖ напярэдадні Дня пажылога чалавека для сваіх падапечных арганізавалі спецыялісты аддзялення дзённага знаходжання для грамадзян пажылога ўзросту ўстановы «Цэнтр сацыяльнага абслугоўвання насельніцтва Кастрычніцкага раёна г. Магілёва» сумесна з установай аховы здароўя «Магілёўская паліклініка № 6».

Медыцынскае абследаванне з мэтай ранняга выяўлення захворванняў было бясплатным і ўключала ў сябе ўльтрагукавое даследаванне шчытападобнай залозы і брушнай паражніны, электракардыяграфію, вымярэнне ўнутрывочнага ціску, даследаванне крыві па розных паказчыках з наступнай кансультацыяй лекараў-спецыялістаў. Па выніках праведзеных медыцынскіх абследаванняў кожнаму пажылому грамадзяніну быў выдадзены пашпарт здароўя.

 СБ