Дэлегацыя Магілёўскай вобласці наведала Узбекістан

Візіт дэлегацыі Магілёўскай вобласці на чале са старшынёй камітэта эканомікі Магаблвыканкама Дзмітрыем Мудрагелавым у Рэспубліку Узбекістан адбыўся з 22 па 25 жніўня ў мэтах паглыблення гандлёва-эканамічнага і міжрэгіянальнага супрацоўніцтва паміж Магілёўскай і Андыжанскай абласцямі, магчымай кааперацыі вытворчасцяў, рэалізацыі сумесных праграм у межах імпартазамяшчэння.

У склад дэлегацыі ўвайшлі прадстаўнікі адміністрацыі СЭЗ «Магілёў», ААТ «Магатэкс», РУП «Завод газетнай паперы», ААТ «Універмаг “Цэнтральны”», ТАА «Белэксальта».

У ходзе праведзеных сустрэч і перагавораў узбекскім бокам выказана зацікаўленасць у пастаўках прадукцыі дрэваапрацоўкі і будаўнічых матэрыялаў у межах мегапраекта па будаўніцтве новага горада «Новы Андыжан», а таксама пастаўкі харчовых тавараў ва ўзбекскія гандлёвыя сеткі.

Дасягнуты дамоўленасці па закупках баваўнянай сыравіны і гатовых швейных вырабаў з Узбекістана.

Таксама адбылася сустрэча ў Пасольстве Рэспублікі Беларусь у Рэспубліцы Узбекістан, на якой абмеркаваны пытанні гандлёва-эканамічнага супрацоўніцтва.

Па выніках візіту падпісаны Мемарандум аб супрацоўніцтве паміж СЭЗ «Магілёў і «СЭЗ» «Андыжон-Фарм», прынята рашэнне па актуалізацыі «дарожнай карты» па рэалізацыі пагаднення паміж Магілёўскім аблвыканкамам і Хокіміятам Андыжанскай вобласці на 2023–2024 гады.

Андыжанскім машынабудаўнічым інстытутам выказана зацікаўленасць у аднаўленні кантактаў з МАУВА «Беларуска-Расійскі ўніверсітэт», у тым ліку – у абмене студэнтамі, правядзенні сумесных мерапрыемстваў.

Рэд.