Дэлегацыя Магілёўскай вобласці прымае ўдзел у Кітайскай харчовай выставе

Дэлегацыя Магілёўскай вобласці знаходзіцца з візітам у горадзе Лохэ правінцыі Хэнань (КНР), дзе прымае ўдзел у 22-й Кітайскай харчовай выставе.

Адкрыццё выстава стартавала ў Міжнародным выставачным цэнтры сёння і працягнецца да 18 траўня.

Магілёўшчыну на форуме прадстаўляюць ААТ «Магілёўскае агенцтва рэгіянальнага развіцця», ДУ «Адміністрацыя свабоднай эканамічнай зоны «Магілёў», ААТ «Клімавіцкі лікёра-гарэлачны завод», ААТ «Чырвоны харчавік», ААТ «Магілёўская фабрыка марожанага», ААТ «Бабулін гладыш» - кіруючая кампанія холдынгу «Магілёўская малочная кампанія «Бабулін гладыш», ТАА «Быхаўскі кансервавы завод», ТАА «Медакамбінат».

Мэта ўдзелу - паглыбленне гандлёва-эканамічнага і інвестыцыйнага супрацоўніцтва з Кітайскай Народнай Рэспублікай, правядзенне дзелавых сустрэч і перагавораў па рэалізацыі сумесных праектаў.

Рэд.