Асноўным пытаннем пасяджэння чарговай сесіі абласнога Савета дэпутатаў было выкананне бюджэту Магілёўскай вобласці ў 2019 годзе. Як паведаміў начальнік галоўнага фінансавага ўпраўлення аблвыканкама Юрый Ільюшчыц, даходная частка бюджэту была выканана ў памеры 1,475 млрд. рублёў, а расходная – у аб’ёме 1,471 млрд. рублёў.
Бюджэт Магілёўшчыны 2019 года зноў характарызуе прафіцыт. Яго памер – 3,8 млн. рублёў.
Асноўнымі крыніцамі напаўнення леташняга бюджэту вобласці сталі адлічэнні ад падаходнага падатку з фізічных асоб і падатку на дабаўленую вартасць. У даходную частку бюджэту былі залічаны розныя трансферты, у тым ліку з рэспубліканскага бюджэту, і сродкі ад правядзення ў рэгіёне рэспубліканскага суботніка.
Падчас выканання абласнога бюджэту значна выраслі аб’ёмы як яго даходаў, так і выдаткаў. Значная частка апошніх была накіравана ў мінулым годзе на развіццё народна-гаспадарчага комплексу Прыдняпроўскага краю, у тым ліку на ўзвядзенне новых аб’ектаў яго інфраструктуры.
Тэкст mogilevnews.by, фота ўласныя
Пры выкарыстанні матэрыялаў актыўная гіперспасылка на mogilev-region.gov.by абавязковая
28.03.2024 - 10:08
28.03.2024 - 09:31
Замена стратных стацыянарных магазінаў у вёсцы аўтакрамамі працягваецца ў Беларусі
25.03.2024 - 10:18
Дні Магілёўскай вобласці пройдуць у Маскве з 29 сакавіка па 22 красавіка
22.03.2024 - 16:45