Для арганізацыі абслугоўвання насельніцтва на выбарчых участках задзейнічаны 124 суб'екты гаспадарання ўсіх форм уласнасці

Гандлёвае абслугоўванне насельніцтва Магілёўскай вобласці ў час правядзення выбараў Прэзідэнта Рэспублікі Беларусь будзе ажыццяўляцца стацыянарнымі буфетамі і выязнымі аб'ектамі гандлю, аб гэтым расказалі ў галоўным упраўленні гандлю і паслуг Магілёўскага аблвыканкама.

Як расказалі субяседнікі, аб'екты гандлёвага абслугоўвання, размешчаныя побач з выбарчымі ўчасткамі, будуць працаваць з 08.00 да 20.00 гадзін.

Для арганізацыі абслугоўвання насельніцтва непасрэдна на выбарчых участках задзейнічаны 124 суб'екты гаспадарання ўсіх форм уласнасці, у тым ліку: Магілёўскі аблспажыўсаюз, асноўныя вытворцы вобласці, рэспубліканскія і мясцовыя гандлёвыя сеткі, камбінаты школьнага харчавання і іншыя суб'екты гаспадарання.

Пакупнікам будзе прапанавана прадукцыя грамадскага харчавання (кулінарныя і кандытарскія вырабы), харчовыя, а таксама нехарчовыя тавары. Пры фарміраванні цэн на прадукцыю суб'ектам гаспадарання рэкамендавана зніжэнне гандлёвых надбавак, а таксама рэалізацыя тавараў па акцыйных прапановах.

Пры гэтым скідку дадуць як суб'екты гандлю, так і вытворцы вобласці. Напрыклад, акцыйныя прапановы падрыхтаваны на асобныя найменні тавараў: мясакамбінатамі вобласці на каўбасныя вырабы і мясапрадукты ў памеры ад 5 да 15 працэнтаў, ААТ «Бабулін гладыш» - на малочныя прадукты ў памеры да 5 працэнтаў, ААТ «Булачна-кандытарская кампанія «Дамачай» - на кандытарскія вырабы ў памеры ад 5 да 20 працэнтаў.

У малых населеных пунктах для пакупнікоў у гандлёвых аб'ектах сістэмы спажывецкай кааперацыі прадугледжваецца магчымасць набыцця складанабытавой тэхнікі (халадзільнікаў і халадзільнікаў-маразільнікаў, тэлевізараў, пральных машын, газавых пліт, ЗВЧ-печаў) па спецыяльнай акцыйнай цане (са зніжэннем гандлёвай надбаўкі).

Рэд.