Доследную партыю кансерваванай прарошчанай пшаніцы выпусцілі ў ААТ «Быхаўскі кансервава-агароднінасушыльны завод». Пра гэта расказаў кіраўнік акцыянернага таварыства Аляксандр Бондараў.
«Доследная партыя ў лінейцы прадукцыі нашай вытворчасці створана на падставе распрацовак дактаранта Беларускага дзяржаўнага эканамічнага ўніверсітэта Марыі Зяньковай, – адзначыў кіраўнік. – Час не стаіць на месцы, і з кожным годам усё больш людзей сочыць за сваім здароўем, выконвае правільнае харчаванне і займаецца спортам. Таму мы вырашылі парадаваць сваіх пакупнікоў такім здаровым і карысным прадуктам. Бо ўсім вядома, што парасткі пшаніцы ўтрымліваюць шэраг неабходных чалавеку вітамінаў, мікра- і макраэлементаў, ферментаў і амінакіслот».
Сёння выпушчана 400 слоікаў кансерваванай прарошчанай пшаніцы. У хуткім часе яны паступяць на беларускі і расійскі рынкі. На прадпрыемстве спадзяюцца, што здаровы прадукт будзе карыстацца высокім попытам і не залежыцца на прылаўках магазінаў. На сёння вядзецца падрыхтоўка неабходнай дакументацыі для запуску прадукцыі ў масавую вытворчасць.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52