Другі дзень працы ВНС: акцэнт на бяспеку краіны

Сёння, у другі дзень работы Усебеларускага народнага сходу, дэлегаты зацвердзяць важнейшыя дакументы ў галіне забеспячэння бяспекі Беларусі - Канцэпцыю нацыянальнай бяспекі і Ваенную дактрыну.

Адпаведную пастанову Савета бяспекі аб адабрэнні праектаў Канцэпцыі нацыянальнай бяспекі і Ваеннай дактрыны Кіраўнік дзяржавы Аляксандр Лукашэнка падпісаў 12 лютага. Згодна з новай Канстытуцыяй абодва дакументы зацвярджаюцца Усебеларускім народным сходам.

Прыняцце Канцэпцыі - гэта наш адказ на геапалітычныя змены ў свеце, новыя выклікі і пагрозы. Гэты асноўны ваенна-палітычны дакумент рэгламентуе падыходы дзяржавы да забеспячэння ўласнай бяспекі ў розных сферах. У нашай краіне папярэдняя рэдакцыя канцэпцыі была прынята ў 2010 годзе.

Ваенная дактрына ж у найноўшай гісторыі Беларусі прымалася (удакладнялася) тройчы: у 1992, 2002 і 2016 гадах. Не выклікае сумнення, што ў бліжэйшай перспектыве не варта чакаць зніжэння ўзроўню ваеннай небяспекі, а пагрозы бяспецы Беларусі і Саюзнай дзяржаве ніякім чынам не зменшацца. Усё гэта прымушае адэкватна рэагаваць на змены абстаноўкі, пераглядаць палажэнні нацыянальнай Ваеннай дактрыны.

СБ