Дзіцячае свавольства з агнём стала прычынай пажару ў Касцюковіцкім раёне

Увечары 30 ліпеня ў вёсцы Ліпаўка Касцюковіцкага раёна адбыўся пажар на тэрыторыі прыватнага жылога дома. Жанчына, якая знаходзілася дома з двума ўнукамі, была вымушана выклікаць ратавальнікаў, калі заўважыла дым і агонь.

Падраздзяленні МНС, якія прыбылі на месца, выявілі, што агонь ахапіў дах і ўнутраную прастору хлява. Ратавальнікі ліквідавалі пажар, аднак агонь знішчыў дах і маёмасць унутры пабудовы, а таксама з-за цеплавога ўздзеяння пацярпеў суседскі аўтамабіль «Газэль».

Мяркуецца, што прычынай узгарання стала свавольства дзяцей: 10-гадовы ўнук жанчыны прызнаўся, што разводзіў вогнішча ўнутры хлява.

Рэд.