Дзяржсакратар Саюзнай дзяржавы Дзмітрый Мезенцаў анансаваў візіт цэлага шэрагу кіраўнікоў расійскіх рэгіёнаў на свята «Купалле» («Александрыя збірае сяброў») у Магілёўскай вобласці. Пра гэта ён заявіў у размове з журналістамі падчас прэзентацыі патэнцыялу Магілёўшчыны на ВДНГ у Маскве.
Дзмітрый Мезенцаў падкрэсліў асаблівую значнасць гэтага года: гэта год 25-годдзя Саюзнай дамовы і год 80-годдзя вызвалення Беларусі ад нямецка-фашысцкіх захопнікаў, сказаў дзяржсакратар.
- Мы перакананыя, што многія губернатары, многія кіраўнікі суб'ектаў Федэрацыі з гонарам успрымуць запрашэнне быць гасцямі на радзіме Аляксандра Рыгоравіча Лукашэнкі ў Александрыі. Ну і, вядома, гэта не толькі візіт губернатараў, гэта прыезд дэлегацый, гэтае прадстаўленне народных промыслаў. І гэта асаблівы дух, асаблівая атмасфера, - канстатаваў Дзмітрый Мезенцаў.
У 2023 годзе свята ў Шклоўскім раёне Магілёўскай вобласці наведалі каля 80 тысяч чалавек. На ім прысутнічалі кіраўнікі рэгіёнаў Расіі, дэлегацыі на ўзроўні кіраўніцтва заканадаўчага сходу і іншых органаў дзяржаўнага кіравання Расіі. Палітру народнай творчасці таксама прадставілі майстры з Расіі - больш за 80 умельцаў з 20 рэгіёнаў краіны, у тым ліку самых аддаленых.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 09:27
12.07.2024 - 09:25
Ансамблі фальклорнай і народнай песні выступяць на рэгіянальным конкурсе ў Чэрыкаўскім раёне
08.07.2024 - 14:55
06.07.2024 - 18:14
Анатоль Маркевіч на свяце «Купалле»: толькі ў адзінстве мы можам тварыць і ствараць