Бабруйскі завод трактарных дэталяў і агрэгатаў паглыбляе супрацоўніцтва з Кубай

Бабруйскі завод трактарных дэталяў і агрэгатаў, які ўваходзіць у склад «МТЗ–Холдынгу», працягвае развіваць супрацоўніцтва з Рэспублікай Куба. Актуальныя напрамкі далейшага ўзаемадзеяння абмеркавалі бакі падчас візіту прадстаўнікоў гэтай краіны на прадпрыемства. Пра гэта паведамілі на БЗТДіА.

На прадпрыемстве праінфармавалі:

– На заводзе прайшла сустрэча з прадстаўнікамі кубінскай кампаніі DIVEP, зацікаўленымі ў развіцці супрацоўніцтва. У цэнтры ўвагі ў ходзе перагавораў былі пастаўкі арыгінальных запасных частак для трактароў BELARUS–321М, адпраўленых на рынак Кубы ў 2024 годзе, а таксама для трактароў МТЗ.

Госці наведалі асноўныя вытворчыя цэхі, пазнаёміліся з ключавымі этапамі вырабу тэхнікі.

Як паведамляла раней сеткавае выданне «sb.by», летам 2024 года партыя трактароў BELARUS–321М у нязборным выглядзе накіравалася на востраў Свабоды. БЗТДіА таксама аказаў дапамогу ў навучанні персаналу зборцы тэхнікі.

Бабруйскі завод трактарных дэталяў і агрэгатаў заснаваны ў жніўні 1945 года, калі ў горадзе было пачата будаўніцтва машынна–трактарнай майстэрні на базе Целушскай МТМ. На выпуск аўтатрактарных запчастак прадпрыемства было пераарыентавана ў 1959 годзе. У 1972–м Бабруйскі завод Бабруйскі завод трактарных дэталяў і агрэгатаў увайшоў у склад створанага ў рэспубліцы вытворчага трактарабудаўнічага аб'яднання. У 2007–м з канвеера сышоў першы бабруйскі трактар. У цяперашні час Бабруйскі завод трактарных дэталяў і агрэгатаў вырабляе трактары BELARUS мадэляў 311/320/422/622, камунальную тэхніку і навясное абсталяванне, а таксама запасныя часткі і дыскавыя колы.

СБ