09.02.2026 - 11:52

Беларускія цяплічныя гаспадаркі актыўна пераходзяць на новы тэхналагічны ўзровень. Сучасныя комплексы з дадатковым асвятленнем дазваляюць атрымліваць некалькі ўраджаяў у год, стабільна забяспечваючы ўнутраны рынак свежай гароднінай і зніжаючы залежнасць ад імпарту.

Яскравы прыклад мадэрнізацыі - сельгаспрадпрыемства «Рассвет імя Арлоўскага». З дзесяці гектараў дзеючых цяпліц - тры ўжо абноўлены. У новых комплексах - аптымальныя ўмовы для вырошчвання якаснай прадукцыі: кампутар кантралюе ключавыя параметры - тэмпературу, вільготнасць, вентыляцыю і асвятленне. Расліны вырошчваюцца ў мінеральнай ваце з індывідуальнай сістэмай кропельнага арашэння.


Асаблівы гонар прадпрыемства - высокія (шасцімятровыя) цяпліцы, яны дазваляюць эфектыўна выкарыстоўваць агралампы, якія называюць «другім сонцам». На паўтара гектара размешчана пяць тысяч электрапрамяняў. Такая тэхналогія кардынальна мяняе традыцыйны сельскагаспадарчы цыкл: зараз у гаспадарцы збіраюць два ўраджаі агуркоў за год. У канцы лютага плануецца пачатак высадкі таматаў.

Марыя Бяляўская, галоўны тэхнолаг цяплічнага камбіната прадпрыемства «Рассвет імя К.П. Арлоўскага»:

- Каля тоны мы ўпершыню збяром. У нас расліны розных ва ўзросце. Такая ішла мадэрнізацыя: адначасова мы і пасеяліся, і мадэрнізаваліся, і атрымліваецца адна палова ў нас старэйшых раслін, з якіх зараз мы будзем весці збор, а другая ў нас малодш. Тыдні праз два мы будзем толькі здымаць ураджай.


Тры гады таму кіраўнік дзяржавы паставіў задачу забяспечыць беларусаў айчыннай агароднінай цэлы год. Распрацавана спецыяльная праграма падтрымкі цяплічных гаспадарак, арыентаваная на ўкараненне сучасных тэхналогій вырошчвання з дадатковым асвятленнем. Сёння па такім прынцыпе працуюць ужо 10 цяплічных камбінатаў краіны.

Важнай мерай дзяржаўнай падтрымкі стала зніжэнне тарыфа на электраэнергію для гэтых прадпрыемстваў. Дзякуючы комплексу прынятых мер свежая гародніна стала больш даступнай для спажыўцоў, а айчынная вытворчасць - больш канкурэнтаздольнай.

ctv.by