Пытанні пашырэння паставак мясамалочнай прадукцыі і рэалізацыі інвестпраектаў разгледжаны на сустрэчы з бізнес-дэлегацыяй з Кітая

Першы намеснік старшыні Магілёўскага аблвыканкама Сяргей Савіцкі сустрэўся сёння з бізнес–дэлегацыяй Кітайскай Народнай Рэспублікі на чале з генеральным дырэктарам ТАА «Кампанія кіравання і эксплуатацыі галін Сінь Наньян правінцыі Хэнань» Фен Цзінем.

У склад дэлегацыі ўвайшлі кіраўнікі і профільныя спецыялісты кампаній з Шанхая і правінцый Хэнань і Хунань. Бакі абмеркавалі перспектывы двухбаковага супрацоўніцтва ў аграпрамысловым сектары і іншых сферах эканомікі.

Вітаючы гасцей, першы намеснік старшыні аблвыканкама прэзентаваў эканамічны і інвестыцыйны патэнцыял Магілёўскай вобласці, адзначыўшы наяўнасць падрыхтаваных прамысловых пляцовак і неабходнай інфраструктуры для рэалізацыі сумесных праектаў.

Кітайская дэлегацыя пацвердзіла зацікаўленасць у нарошчванні аб'ёмаў паставак мясамалочнай прадукцыі з Магілёўскай вобласці на рынак КНР, а таксама праявіла цікавасць да арганізацыі на тэрыторыі рэгіёну вытворчых магутнасцей па перапрацоўцы сельскагаспадарчай сыравіны.

Генеральны дырэктар ААТ «Тэхналагічны парк Магілёў» Яўген Якімаў, каментуючы вынікі перагавораў, адзначыў:

«Для Кітая гэтыя лічбы і гэтыя прадпрыемствы, натуральна, невялікія, але гэта толькі пачатак, у нас ёсць розны вопыт узаемадзеяння з кітайскімі інвестарамі. Таму гэтыя праекты – гэта толькі старт для ўзаемнага супрацоўніцтва».

Ён таксама расказаў, што прадстаўнікі дзелавых колаў Кітая таксама прапанавалі іншыя праекты: «Яны не датычацца сельскай гаспадаркі. Гэта праекты, злучаныя з вырабамі з алюмінія. Яны цікавыя, набіраюць абароты. Натуральна, мы зробім усё магчымае і немагчымае, каб знайсці ім партнёраў на тэрыторыі Магілёўскай вобласці».

У рамках сустрэчы абмяркоўваліся канкрэтныя інвестыцыйныя прапановы, у тым ліку праекты будаўніцтва жывёлагадоўчых комплексаў на тэрыторыі Чавускага і Бабруйскага раёнаў. Пасля заканчэння сустрэчы кітайскай дэлегацыяй запланавана наведванне ААТ «Магілёўскі мясакамбінат» і аднаго з раёнаў для больш дэталёвага азнаямлення з пляцоўкамі для супрацоўніцтва.

Юлія Таранава, фота Галіны Гаўрыловіч