18.11.2025 - 16:38

Ужо праз тры тыдні магазіны, гандлёвыя цэнтры і рынкі рэгіёну зменяцца - заззяюць святочнай ілюмінацыяй, з'явяцца навагоднія ёлкі і тэматычныя дэкарацыі. Гэта створыць чароўную атмасферу для пакупнікоў і дапаможа жыхарам вобласці адчуць набліжэнне самага доўгачаканага свята.

- Да 14 снежня ўсе гандлёвыя аб'екты Магілёўскай вобласці павінны быць упрыгожаны да навагодніх свят, - паведаміла начальнік галоўнага ўпраўлення гандлю і паслуг аблвыканкама Ірына Чындо.

Традыцыйнае пераднавагодняе ўпрыгожванне аб'ектаў гандлю - гэта не проста фармальнасць, а важная частка стварэння святочнага настрою. Аблвыканкам заклікае прадпрымальнікаў і арганізацыі гандлю праявіць крэатыўнасць, зрабіць акцэнт на бяспецы і якасных матэрыялах пры афармленні вітрын і фасадаў.

mogilevnews.by